'யசோதா' வெற்றியை கொண்டாடும் சமந்தா.. என்ன சொல்லியிருக்கார் பாருங்கள்!
- IndiaGlitz, [Saturday,November 19 2022]
நடிகை சமந்தா நடித்த ’யசோதா’ திரைப்படம் நவம்பர் 11ஆம் தேதி வெளியாகி மிகப்பெரிய வரவேற்பை பெற்றது என்பதும் இந்த படத்தை பார்த்த ரசிகர்கள் கொண்டாடி வருகின்றனர் என்பது குறிப்பிடத்தக்கது.
இந்த நிலையில் தற்போது மயோசிடிஸ் என்ற நோயால் பாதிக்கப்பட்டு சிகிச்சையில் இருக்கும் சமந்தா இந்த வெற்றி குறித்து தனது சமூக வலைத்தளத்தில் நெகிழ்ச்சியுடன் குறிப்பிட்டுள்ளார். அவர் அதில் கூறியிருப்பதாவது:
ரசிகர்கள் அனைவருக்கும் வணக்கம்! ’யசோதா’ படத்தை பார்த்து நீங்கள் பாராட்டியதை கேட்டு மிகப்பெரிய மகிழ்ச்சி அடைந்தேன். ’யசோதா’ குழுவினர் உழைத்த அத்தனை உழைப்பும் பலனளித்தது என்பதற்கு உங்கள் விசில் சத்தமே சான்றாக உள்ளது
நான் தற்போது சந்தோஷத்தில் மிதந்து வருகிறேன். மேலும் மசோதா படத்தில் பணிபுரிந்த அனைவருக்கும் இந்த சந்தர்ப்பத்தில் நான் நன்றி தெரிவித்துக் கொள்கிறேன். இந்த படத்தில் என்னை நம்பி பெரிய கேரக்டர் கொடுத்ததற்காக தயாரிப்பாளர் கிருஷ்ண பிரசாத் மற்றும் இயக்குனர் ஹரி, ஹரீஸ் ஆகியோர்களுக்கு எனது நன்றி.
வரலட்சுமி சரத்குமார், உன்னி முகுந்தன், மற்றும் மற்ற அற்புதமான நடிகர்களுடன் இணைந்து பணியாற்றியது அருமையாக இருந்தது. அனைவருக்கும் எனது பணிவான நன்றி’ என்று சமந்தா அந்த பதிவில் தெரிவித்துள்ளார்.
??♀️??♀️??♀️#Yashoda pic.twitter.com/O6xdboY0AT
— Samantha (@Samanthaprabhu2) November 18, 2022