நடிகை சமந்தா மருத்துவமனையில் அனுமதிக்கப்பட்டு சிகிச்சை பெற்று வரும் புகைப்படத்தை பார்த்து அவரது ரசிகர்கள் அதிர்ச்சி அடைந்துள்ள நிலையில் சமந்தாவுக்கு என்ன ஆச்சு என்ற கேள்வியையும் எழுப்பி வருகின்றனர்.

தமிழ், தெலுங்கு திரையுலகில் முன்னணி நடிகையாக இருக்கும் சமந்தா தற்போது பாலிவுட்டில் உருவாகி வரும் ’சிட்டாடல்’ என்ற வெப் தொடரில் நடித்து வருகிறார் என்பதும் வருண் தவான் முக்கிய வேடத்தில் நடிக்கும் இந்த தொடரில் சமந்தா ஆக்ஷன் நாயகியாக நடித்து வருகிறார் என்பது குறிப்பிடத்தக்கது.

இந்நிலையில் சமந்தா தனது சமூக வலைத்தளத்தில் மருத்துவமனையில் முழங்கால் வலிக்காக சிகிச்சை எடுத்துக் கொண்டிருக்கும் புகைப்படத்தை பதிவு செய்துள்ளார். மேலும் இந்த பதிவில் அவர் ’காயங்கள் இல்லாமல் ஆக்சன் நாயகியாக முடியாதா’ என்று அவர் குறிப்பிட்டுள்ளதை அடுத்து படப்பிடிப்பின் போது ஏற்பட்ட விபத்தின் போது சமந்தாவின் முழங்காலில் காயம் ஏற்பட்டிருக்கலாம் என்று கூறப்படுகிறது.

இதனை அடுத்து சமந்தா விரைவில் குணமாக வேண்டும் என்று அவர் அவரது ரசிகர்கள் வாழ்த்து தெரிவித்து வருகின்றனர். இன்னும் ஒரு சில நாட்களில் சமந்தா முழுமையாக குணமாகி டிஸ்சார்ஜ் ஆகிவிடுவார் என்றும் அதன் பிறகு மீண்டும் அவர் ’சிட்டாடல்’ வெப் தொடரின் படப்பிடிப்பில் கலந்து கொள்வார் என்றும் கூறப்படுகிறது.