సమంత యంగ్ లుక్‌లోనే...
- IndiaGlitz, [Friday,January 11 2019]
కెరీర్ ప్రారంభంలో గ్లామర్ పాత్రలు, కమ‌ర్షియల్ సినిమాలు ఎక్కువగా చేసిన సమంత ఇప్పుడు వైవిధ్యైమెన పాత్రలు చేయుడానికి ఆసక్తిని కనపరుస్తున్నారు. ప్రస్తుతం ఈమె ప్రధాన పాత్రలో నందినీ రెడ్డి దర్శకత్వంలో 'ఓ బేబి ఎంత సక్కగున్నావే' (వినపడుతున్న టైటిల్) సినిమాలో నటిస్తుంది. కొరియన్ చిత్రం 'మిస్ గ్రానీ'కి ఇది రీమేక్.
ఈ సినిమాలో సమంత 70 ఏళ్ల ముసలి భామ పాత్రలో కనిపిస్తుందని వార్తలు వినిపించాయి. అయితే తాజా సమాచారం ప్రకారం సినిమాలో ముసలి ఆవిడ పాత్రతో పాటు వయసులోని అమ్మాయి పాత్ర కూడా ఉంటుందట. ఇందులో ముసలి పాత్రను సమంత చేయడం లేదట. యంగ్ లుక్ ఉన్న పాత్రలోనే సమంత కనిపించనుందనేది సమాచారం. ముసలావిడ పాత్రలో సీనియర్ నటి లక్ష్మి నటించబోతున్నారట. ఇందులో నాగశౌర్య కూడా ఓ కీలక పాత్రను పోషిస్తున్నారు.