ஒரே நாளில் 3 சமந்தா படங்கள் ரிலீஸ்: தென்னிந்தியாவின் முதல் சாதனை
- IndiaGlitz, [Tuesday,August 21 2018]
ஒரு நடிகை நடித்த இரண்டு திரைப்படங்கள் ஒரே நாளில் ரிலீஸ் ஆவது என்பதே எப்போதாவது நடக்கும் நிகழ்வு ஆகும். இந்த நிலையில் நடிகை சமந்தா நடித்த மூன்று திரைப்படங்கள் ஒரே நாளில் ரிலீஸ் ஆகவிருப்பதால் இது தென்னிந்தியாவின் முதல் சாதனையாக கருதப்படுகிறது.
சிவகார்த்திகேயனுடன் சமந்தா நடித்த 'சீமராஜா' மற்றும் சமந்தா முக்கிய வேடத்தில் நடித்த 'யூடர்ன்' ஆகிய திரைப்படங்கள் வரும் செப்டம்பர் 13ஆம் தேதி ரிலீஸ் ஆகின்றது என்பது தெரிந்ததே. இந்த நிலையில் மகேஷ்பாபு, சமந்தா நடித்த 'சீதம்மா வகிட்லோ ஸ்ரீமல்லெ செட்டு' என்ற தெலுங்கு படத்தின் தமிழ் டப்பிங் படமான 'நெஞ்சமெல்லாம் பல வண்ணம்' என்ற படமும் அதே செப்டம்பர் 13ஆம் தேதி ரிலீஸ் ஆகவுள்ளதாக அறிவிக்கப்பட்டுள்ளது.
எனவே ஒரு நடிகையின் மூன்று படங்கள் ஒரே நாளில் வெளியாவது தென்னிந்திய சினிமா வரலாற்றில் இதுவே முதல்முறையாக கருதப்படுகிறது. இந்த மூன்று படங்களும் வெற்றி பெற வேண்டும் என்று சமந்தாவின் ரசிகர்கள் வாழ்த்து தெரிவித்து வருகின்றனர்.