சமந்தா நடித்த ’சாகுந்தலம்’ என்ற படத்தின் அதிகாரபூர்வ ரிலீஸ் தேதி சற்றுமுன் வெளியாகியுள்ளது.

சமந்தா நடித்த ’யசோதா’ என்ற திரைப்படம் சமீபத்தில் வெளியாகி மிகப்பெரிய வெற்றி பெற்ற நிலையில் அவர் நடித்துள்ள அடுத்த திரைப்படமான ’சாகுந்தலம்’ படத்தின் படப்பிடிப்பு முடிந்து போஸ்ட் புரொடக்ஷன் பணிகள் நிறைவடைந்தது.

இந்த படம் கடந்த நவம்பர் 4ஆம் தேதி வெளியாகும் என்று அறிவிக்கப்பட்டிருந்த நிலையில் அதன் பின் தொழில்நுட்ப பணிகள் தாமதம் காரணமாக ரிலீஸ் தேதி ஒத்தி வைக்கப்பட்டதாக அதிகாரப்பூர்வமாக அறிவிக்கப் பட்டிருந்தது.

இந்த நிலையில் ’சாகுந்தலம்’ திரைப்படம் 2023ஆம் ஆண்டு பிப்ரவரி 17ஆம் தேதி வெளியாகும் என அதிகாரப்பூர்வமாக அறிவிக்கப்பட்டுள்ளது. இதனை இந்த படம் 3டி டெக்னாலஜியில் வெளியாகும் என்றும் அறிவிக்கப்பட்டுள்ளது.

தமிழ், தெலுங்கு, மலையாளம், கன்னடம் மற்றும் ஹிந்தி என ஐந்து மொழிகளில் இந்த படத்தை வெளியிட படக்குழுவினர் திட்டமிட்டுள்ளனர். சமந்தா முக்கிய வேடத்தில் நடித்துள்ள இந்த படத்தில் மோகன்பாபு, அதிதி பாலன், பிரகாஷ்ராஜ், கௌதமி, கபீர் சிங் உள்ளிட்ட பலர் நடித்துள்ளனர். மணிசர்மா இந்த படத்திற்கு இசையமைத்துள்ளார்.