అక్కినేని కోడలైన త‌ర్వాత స‌మంత అక్కినేని వ‌రుస విజ‌యాల‌ను సాధిస్తుంది. యూ ట‌ర్న్‌, ఓ బేబీ చిత్రాల స‌క్సెస్‌తోనూ లేడీ ఓరియెంటెడ్ చిత్రాల హీరోయిన్‌గా క్రెడిట్ సంపాదించుకుంది. ప్ర‌స్తుతం ఈమె `96` రీమేక్‌లో న‌టిస్తుంది. కాగా మ‌రే సినిమాను యాక్సెప్ట్ చేయ‌లేదు. అయితే క‌థ‌ల‌ను వింటుంది. ఇటీవ‌ల మ‌రో లేడీ ఓరియెంటెడ్ చిత్రంలో న‌టించ‌డానికి రెడీ అవుతుంద‌ని వార్త‌లు వినిపించాయి. అలాగే వెబ్‌సిరీస్‌లోనూ స‌మంత న‌టిస్తుంద‌ని కూడా టాక్ వ‌చ్చింది.

కాగా.. లేటెస్ట్ స‌మాచారం ప్ర‌కారం స‌మంత ఓ హిట్ వెబ్‌సిరీస్ సీక్వెల్‌లో న‌టించ‌నుంద‌ని స‌మాచారం. వివ‌రాల ప్ర‌కారం ఇటీవ‌ల మ‌నోజ్‌బాజ్‌పాయ్‌, ప్రియ‌మ‌ణి, సందీప్‌కిష‌న్ త‌దిత‌రులు న‌టించిన వెబ్ సిరీస్ `ది ఫ్యామిలీ మ్యాన్‌` మంచి ఆద‌ర‌ణ‌ను పొందింది. తాజాగా ఈ వెబ్ సిరీస్‌కు సీక్వెల్ త్వ‌ర‌లోనే వ‌స్తుంద‌ని ద‌ర్శులు రాజ్, డి.కెలు తెలిపారు. అంటే ది ఫ్యామిలీ మ్యాన్ సీజ‌న్ 2 త్వ‌ర‌లోనే రానుంది. ఈ సీజ‌న్‌లో స‌మంత అక్కినేని కీల‌క పాత్ర‌ధారిగా న‌టించ‌నుంద‌ని వార్త‌లు విన‌ప‌డుతున్నాయి.

మ‌నోజ్ బాజ్‌పాయ్ ప్ర‌ధాన పాత్ర‌లో రూపొందిన ది ఫ్యామిలీ మ్యాన్‌.. ఎన్‌.ఐ.ఎ ఏజెంట్ క‌థ‌. టెర్ర‌రిస్టులు బోపాల్ త‌ర‌హా గ్యాస్ బ్లాస్ట్‌ను ప్లాన్ చేస్తారు. అయితే దాన్ని ఎన్‌.ఐ.ఎ ఎలా అడ్డుకుంద‌నేదే క‌థ‌.