మ‌న న‌టీన‌టుల గురించి ఇక్క‌డ పేజీల కొద్దీ రాయ‌డం వేరు. అంత‌ర్జాతీయ స్థాయిలో వారి గురించి రాయ‌డం వేరు. తాజాగా ఇంట‌ర్నేష‌న‌ల్ గుర్తింపు తెచ్చుకున్నారు స‌మంత‌. న్యూయార్క్ టైమ్స్ లో ఆమెను పొగుడుతూ జ‌ర్న‌లిస్ట్ ప్ర‌శంస‌ల వ‌ర్షం కురిపించారు. ఇంత‌కీ ఎందుకనుకుంటున్నారా? అక్క‌డికే వ‌స్తున్నాం. స‌మంత న‌టించిన `సూప‌ర్ డీల‌క్స్` సినిమా శుక్ర‌వారం విడుద‌లైంది. ప్ర‌తిరోజా మంచి పేరు తెచ్చుకుంటోంది. త్యాగ‌రాజ‌న్ కుమార‌రాజా ఈ సినిమాకు ద‌ర్శ‌క‌త్వం వ‌హించారు. తెలుగువారికి కూడా సుప‌రిచితుడైన విజ‌య్ సేతుప‌తి ఇందులో క‌థానాయ‌కుడు.

ఈ సినిమా గురించి న్యూ యార్క్ టైమ్స్ లో రివ్యూ వ‌చ్చింది. ఇందులో వేంబు అనే పాత్ర‌లో న‌టించారు స‌మంత‌. ఇందులో ఆ మె చేయ‌బోతున్న పాత్ర విని భ‌ర్త నాగ‌చైత‌న్య కూడా షాక్ అయిన‌ట్టు ఆ మ‌ధ్య స‌మంత స్వ‌యంగా తెలిపారు. తాజాగా సూప‌ర్ డీల‌క్స్ లో ఆమె న‌ట‌న గురించి న్యూ యార్క్ టైమ్స్ చాలా పొగిడింది. గొప్ప ఆర్టిస్ట్ అని కూడా రాసింది. అది తెలిసిన స‌మంత తోటి న‌టులు విజ‌య్ సేతుప‌తి, మిస్కిన్‌, ర‌మ్య‌కృష్ణ‌, గాయ‌త్రి ఆనందాన్ని వ్య‌క్తం చేస్తున్నారు. .