நடிகை சமந்தா ’சிட்டாடல்’ என்ற வெப் தொடரில் நடித்து வரும் நிலையில் இந்த தொடருக்காக அவர் வாங்கிய சம்பளம் குறித்த தகவல் கசிந்துள்ளது திரையுலகினர்களை ஆச்சரியப்படுத்தி உள்ளது.

ஹாலிவுட்டின் ’சிட்டாடல்’ என்ற வெப் தொடரில் நடிகை பிரியங்கா சோப்ரா நடித்து வரும் இந்த நிலையில் இந்த தொடரின் ஹிந்தி ரீமேக்கில் வருண் தவான் மற்றும் சமந்தா நடித்து வருகின்றனர் என்பதும் இந்த வெப் தொடர் ’தி பேமிலி மேன்’ தொடரை இயக்கிய ராஜ் மற்றும் டி.கே சகோதரர்கள் இயக்கி வருகிறார்கள் என்பதையும் ஏற்கனவே பார்த்தோம்.

இந்த நிலையில் இந்த தொடரில் நடிப்பதற்காக நடிகை சமந்தா ரூபாய் 10 கோடி சம்பளம் வாங்கியதாக கூறப்படுகிறது. ஏற்கனவே அவர் ஒரு திரைப்படத்தில் நடிக்க 4 முதல் 5 கோடி ரூபாய் சம்பளம் வாங்கி வந்த நிலையில் தற்போது இரு மடங்கு சம்பளம் வாங்கி இருப்பதாக கூறப்படுவது பெரும் ஆச்சரியத்தை ஏற்படுத்தியுள்ளது.

ஆனால் அதே நேரத்தில் பிரியங்கா சோப்ரா ’சிட்டாடல்’ வெப் தொடரில் படுக்கையறை காட்சிகள், லிப் கிஸ் காட்சிகள், மற்றும் ரிஸ்க் நிறைந்த அதிரடி ஆக்சன் காட்சிகளில் நடித்துள்ளார். அதேபோல் சமந்தாவும் நடிக்க வேண்டிய இருப்பதால் அவருக்கு இந்த அதிகப்படியான சம்பளம் கொடுக்கப்பட்டிருப்பதாக கூறப்படுகிறது.

இந்த வெப் தொடரின் படப்பிடிப்பு தற்போது விறுவிறுப்பாக நடைபெற்று வருகிறது என்பதும் விரைவில் முன்னணி ஓடிடியில் இந்த தொடர் வெளியாக உள்ளது என்பதும் குறிப்பிடத்தக்கது.