పెళ్లికి ముందే స్టార్ హీరోయిన్‌గా పేరు తెచ్చుకున్న స‌మంత‌.. అక్కినేని నాగ‌చైత‌న్య‌ను పెళ్లి చేసుకున్న త‌ర్వాత స్టార్ హీరోయిన్‌గానే కాదు.. `ఓ బేబీ` వంటి చిత్రంతో లేడీ ఓరియెంటెడ్ చిత్రాల‌కు కేరాఫ్ అడ్ర‌స్‌గా మారింది. ఇప్పుడు ఈమె ఒప్పుకుంటే చాలా పెద్ద నిర్మాణ సంస్థ‌లు మ‌రిన్ని లేడీ ఓరియెంటెడ్ సినిమాలు చేయ‌డానికి ఆస‌క్తిగా ఉన్నాయి. ప్ర‌స్తుతం ఈమె శ‌ర్వానంద్‌తో క‌లిసి త‌మిళ చిత్రం `96` తెలుగు రీమేక్‌లో న‌టిస్తుంది. అయితే స‌మంత ఇప్పుడు కేవ‌లం సినిమాల‌పైనే కాకుండా సోష‌ల్ మీడియాలో త‌న‌ను తాను ప్ర‌మోట్ చేసుకోవ‌డానికి స్పెష‌ల్ ఫోక‌స్ పెట్టింద‌ని వార్త‌లు విన‌ప‌డుతున్నాయి.

సోష‌ల్ మీడియాలో త‌న ప్ర‌మోష‌న్ కోస‌మే సామ్ న‌లుగురు స‌భ్యులున్న టీమ్‌ను నియ‌మించుకుంద‌ని వార్త‌లు విన‌ప‌డుతున్నాయి. అందులో ఇద్ద‌రు ఫొటోగ్రాఫ‌ర్స్ అని స‌మాచారం. వీరు ఎప్పుడూ స‌మంత పాల్గొనే ప్రోగామ్స్‌కు హాజ‌రై ఆమె ఫొటోల‌ను తీసి సోష‌ల్ మీడియాలో పోస్ట్ చేస్తార‌ట‌. స‌మంత‌లాంటి స్టార్ హీరోయిన్ ఇలా సోష‌ల్ మీడియాపై ఫోక‌స్ పెట్ట‌డ‌మేంటోన‌ని సినీ వ‌ర్గాలు అనుకుంటున్నాయి.