స‌మంత.. డ‌బుల్ ధ‌మాకా
- IndiaGlitz, [Thursday,December 07 2017]
యువ క‌థానాయకుడు నాగ‌చైత‌న్య‌ని ఇటీవ‌లే పెళ్లి చేసుకున్న స‌మంత.. మ‌ళ్లీ సినిమాల‌తో బిజీగా మారింది. తెలుగు, త‌మిళ భాష‌ల్లో సినిమాలు చేస్తోంది. తెలుగులో రామ్‌చ‌ర‌ణ్‌తో రంగ‌స్థ‌లం చేస్తున్న స‌మంత.. మ‌హాన‌టిలో ఓ కీల‌క పాత్ర చేస్తోంది. ఇక త‌మిళంలో విశాల్‌, విజ‌య్ సేతుప‌తి, శివ‌కార్తీకేయ‌న్‌తో సినిమాలు చేస్తోంది.
ప్ర‌స్తుతం స‌మంత చేస్తున్న తెలుగు చిత్రాల‌కి సంబంధించి ఓ ఆస‌క్తిక‌ర‌మైన విష‌యం ఉంది. అదేమిటంటే.. ఈ రెండు చిత్రాలు కూడా ఒకే రోజు ప్రేక్ష‌కుల ముందుకొచ్చే అవ‌కాశం ఉండ‌డం. సుకుమార్ దర్శకత్వంలో స‌మంత న‌టిస్తున్న తొలి చిత్రం రంగ‌స్థ‌లం వేస‌వి కానుక‌గా మార్చి 29న విడుద‌ల కానుంద‌ని వార్త‌లు వినిపిస్తున్నాయి.
అయితే.. దీనికి సంబంధించి అధికారిక ప్ర‌క‌ట‌న అయితే రాలేదు. స‌రిగ్గా అదే రోజున స‌మంత కీల‌క పాత్ర‌లో న‌టిస్తున్న మ‌హాన‌టిని విడుద‌ల చేయ‌బోతున్న‌ట్లు బుధ‌వారం చిత్ర యూనిట్ ప్ర‌క‌టించింది. అంటే.. ఒకే రోజున స‌మంత రెండు చిత్రాల‌తో సంద‌డి చేసే అవ‌కాశ‌ముంద‌న్న‌మాట. మ‌రి.. స‌మంత డ‌బుల్ ధ‌మాకా ఎంత‌వ‌ర‌కు వ‌ర్కవుట్ అవుతుందో చూడాలి.