ஸ்டண்ட் காட்சியின் படப்பிடிப்பில் ஏற்பட்ட எதிர்பாராத விபத்து: நடிகை சமந்தா காயம்!
- IndiaGlitz, [Tuesday,May 24 2022]
ஸ்டண்ட் காட்சியின் படப்பிடிப்பில் ஏற்பட்ட எதிர்பாராத விபத்தால் நடிகை சமந்தாவுக்கு காயம் ஏற்பட்டுள்ளதாக வெளிவந்திருக்கும் தகவல் அவரது ரசிகர்களுக்கு பெரும் அதிர்ச்சியை ஏற்படுத்தி உள்ளது .
நடிகை சமந்தா தற்போது விஜய் தேவரகொண்டா நடித்து வரும் ’குஷி’ என்ற திரைப்படத்தில் நாயகியாக நடித்து வருகிறார் என்பது தெரிந்ததே. இந்த படத்தின் படப்பிடிப்பு கடந்த சில நாட்களாக காஷ்மீரில் நடைபெற்று வருகிறது.
இந்த நிலையில் இந்த படத்தின் ஸ்டண்ட் காட்சியின் படப்பிடிப்பின்போது எதிர்பாராத ஏற்பட்ட விபத்து காரணமாக விஜய்தேவரகொண்டா மற்றும் சமந்தா ஆகிய இருவருக்குமே முதுகில் காயம் ஏற்பட்டது. இருப்பினும் அது பெரிய காயம் இல்லை என்பதால் இருவருக்கும் முதலுதவி சிகிச்சை அளிக்கப்பட்டு அதன் பின் படப்பிடிப்பு தொடர்ந்தது.
படப்பிடிப்பில் ஏற்பட்ட எதிர்பாராத விபத்தால் சமந்தாவுக்கு காயம் ஏற்பட்ட தகவல் இணையதளங்களில் வைரலாகி வருவதை அடுத்து அவரது ரசிகர்கள் அதிர்ச்சி அடைந்துள்ளனர்.