'రంగ‌స్థ‌లం', 'మ‌హాన‌టి', 'అభిమ‌న్యుడు' చిత్రాల‌తో ఈ వేస‌విలో హ్యాట్రిక్ విజ‌యాల‌ను సొంతం చేసుకున్నారు స‌మంత‌. ప్ర‌స్తుతం ఈ ముద్దుగుమ్మ మూడు చిత్రాల‌లో న‌టిస్తున్నారు. క‌న్న‌డ హిట్ చిత్రం 'యూ ట‌ర్న్' ఆధారంగా తెలుగు, త‌మిళ భాష‌ల్లో అదే పేరుతో తెర‌కెక్కుతున్న సినిమాతో పాటు 'సూప‌ర్ డీల‌క్స్‌', 'సీమా రాజా' చిత్రాల్లో ఆమె న‌టిస్తున్నారు. వీటిలో.. క్రైమ్ థ్రిల్ల‌ర్‌గా తెర‌కెక్కుతున్న 'సూప‌ర్ డీల‌క్స్‌'కు సంబంధించి త‌న పాత్ర తాలుకూ షూటింగ్‌ను మంగ‌ళ‌వారం పూర్తి చేశారు స‌మంత‌.

ఈ సందర్భంగా చిత్ర యూనిట్‌తో ఆమె సంబ‌రాలు చేసుకున్నారు. విజ‌య్ సేతుప‌తి క‌థానాయ‌కుడిగా న‌టిస్తున్న ఈ చిత్రంలో ర‌మ్య‌కృష్ణ‌, ఫాహ‌ద్ ఫాజిల్ ఇత‌ర ముఖ్య పాత్ర‌లు పోషిస్తున్నారు. త్యాగ‌రాజ‌న్ కుమార‌రాజా ద‌ర్శ‌క‌త్వం వ‌హిస్తున్న ఈ సినిమా ఈ ఏడాది ద్వితీయార్థంలో విడుద‌ల కానుంది. తెలుగులోనూ ఈ సినిమాని అనువదించే ప్ర‌య‌త్నాలు జ‌రుగుతున్నాయి.