స‌మంతను అంద‌రూ కొత్త‌గా జాన‌కీ, జాన‌కీదేవి అని పిలుస్తున్నార‌ట‌. స‌మంత పేరు మార్చుకుందా? జాన‌కి దేవి అని ఎందుకు పిలుస్తున్నారు. అని ఆస‌క్తిగా ఉందా.. స‌మంత‌ను అంద‌రూ జాన‌కిదేవి అని పిలుస్తున్న మాట నిజ‌మే. అయితే ఇంట్లో కాదు. సెట్లో.

'96' రీమేక్ సెట్లో. శ‌ర్వానంద్‌, స‌మంత క‌లిసి న‌టిస్తున్న సినిమా 'జాన‌కి దేవి'. త‌మిళంలో చాలా పెద్ద హిట్ అయిన '96'కి అది రీమేక్‌. జూనియ‌ర్ కాలేజీ చిల్డ్ర‌న్‌గానూ, అడ‌ల్ట్ గానూ రెండు గెట‌ప్పుల్లో క‌నిపించ‌నున్నారు స‌మంత‌, శ‌ర్వానంద్‌. జూనియ‌ర్స్ కోసం ఆడిష‌న్స్ జ‌రుగుతున్నాయి.

త‌మిళంలో ఈ సినిమాను తెర‌కెక్కించిన ప్రేమ్‌కుమార్ తెలుగులోనూ తెర‌కెక్కిస్తున్నారు. ఈ సినిమాలో స‌మంత పాత్ర పేరు జాన‌కి. ఒరిజిన‌ల్‌లో నేప‌థ్య గాయ‌ని జాన‌క‌మ్మ కూడా ఓ సీన్‌లో క‌నిపించారు. తెలుగులోనూ ఆమె క‌నిపిస్తారా? లేదా? అనేది ఆస‌క్తిక‌రం.