கணவரை பிரிந்து வாழும் உங்களுடைய அறிவுரை எங்களுக்கு தேவையில்லை என ரசிகர் ஒருவர் கூறியதற்கு நடிகை சமந்தா பதிலடி கொடுத்துள்ளது பரபரப்பை ஏற்படுத்தி உள்ளது.

நடிகை சமந்தா தற்போது மீண்டும் ஆக்டிவாகிவிட்ட நிலையில் ஒரு சிறு ஓய்வுக்கு பின் அவர் மீண்டும் நடிக்க தொடங்கிவிட்டார் என்பதையும் ஏற்கனவே பார்த்தோம். இந்த நிலையில் சமூக வலைதளங்களில் அவ்வப்போது ரசிகர்களுடன் உரையாடி வரும் சமந்தா, ரசிகர்களின் சுவாரசியமான கேள்விகளுக்கும் பதில் அளித்து வருகிறார்.

அந்த வகையில் ரசிகர்களுடன் சமீபத்தில் அவர் உரையாடியபோது ’நீங்கள் வாழ்க்கையில் கற்றுக் கொண்ட பெரிய விஷயம் என்ன? என்ற கேள்விக்கு பதில் அளித்த சமந்தா, ‘என்னுடைய சொந்த விருப்பு வெறுப்புகளை எல்லாம் அறியாமல் இருந்தது தான் என்னுடைய வாழ்வில் நான் மிகப்பெரிய செய்த மிகப்பெரிய தவறு, அப்போது எனக்கு இருந்த துணையால் விருப்பு வெறுப்புகள் என்னை மறைமுகமாக பாதித்தது’ என்று தெரிவித்திருந்தார்.

இந்த பதிலுக்கு ரசிகர் ஒருவர் ‘நீங்கள் ஏன் உங்கள் கணவரை விட்டு பிரிந்தீர்கள்? வாழ்க்கையில் தோல்வி அடைந்த ஒருவரிடம் இருந்து எனக்கு அறிவுரை தேவையில்லை’ என்று கமெண்ட் செய்திருந்தார். இதற்கு பதிலடி கொடுத்த சமந்தா ’இந்த அளவுக்கு வெறுப்பை உங்களிடம் உருவாக்கும் நோயிலிருந்து நீங்கள் குணமடைவீர்கள் நான் நம்புகிறேன், வாழ்த்துகிறேன்’ என்று கூறியுள்ளார். சமந்தாவின் இந்த பதிலடி பரபரப்பை ஏற்படுத்தி உள்ளது.