కూర‌గాయ‌లు అమ్మిన సామ్‌...
- IndiaGlitz, [Saturday,September 01 2018]
స‌మంత సినిమాలో సన్నివేశంలో కాకుండా.. నిజంగానే కూర‌గాయ‌లు అమ్మింది. అదేంటి స‌మంత కూర‌గాయ‌లు అమ్మిందా? అక్కినేని వారింటి కోడ‌లు కూర‌గాయ‌లు అమ్మ‌డ‌మేంటి? అని అనుకుంటున్నారా? వివ‌రాల్లోకెళ్తే స‌మంత ప్ర‌త్యూష చారిట్ర‌బుల్ ట్ర‌స్ట్ స్థాపించి సేవా కార్య‌క్ర‌మాలు నిర్వ‌హిస్తున్న సంగ‌తి తెలిసిందే.
ఈ చారిట్ర‌బుల్ ట్ర‌స్ట్ కోసం స‌మంత చెన్నై ట్రిపిల్ కేన్‌లోని జామ్‌బజార్‌కు వెళ్లి అక్క‌డ ఓ కూర‌గాయ‌ల దుకాణంలో కూర‌గాయ‌లు అమ్మారు. ముందు జ‌నం ఆశ్చ‌ర్య‌పోయినా.. త‌ర్వాత అస‌లు సంగ‌తి తెలుసుకుని కూర‌గాయ‌లను కొన్నారు.
స్టార్ హీరోయిన్‌.. అందులోనూ ఓ పెద్దింటి కోడ‌లు అయినా కూడా స‌మంత బేషజాల‌కు పోకుండా.. కూర‌గాయ‌లు అమ్మ‌డం త‌ద్వారా సేవా కార్య‌క్ర‌మాల‌ను నిర్వ‌హించాల‌నుకోవ‌డం గొప్పే క‌దా!