தென்னிந்திய திரையுலகின் முக்கிய நடிகைகளில் ஒருவரான சமந்தா பெண் ஆட்டோ டிரைவர் ஒருவருக்கு 12.5 லட்சம் மதிப்புள்ள புதிய கார் ஒன்றை வாங்கி கொடுத்த நிகழ்வு சமூக வலைதளங்களில் பரவி வருகிறது.

நடிகை சமந்தா கடந்த சில நாட்களுக்கு முன்னர் நடத்திய தொலைக்காட்சி நிகழ்ச்சி ஒன்றில் பெண் ஆட்டோ ஓட்டுநர் கவிதா என்பவர் கலந்து கொண்டார். அவர் அப்போது தனது தாய் தந்தையின் மறைவிற்கு பிறகு தனது ஏழு சகோதரிகளையும் ஆட்டோ ஓட்டி காப்பாற்றுவதாக குறிப்பிட்டிருந்தார். அப்போது சமந்தா, கண்டிப்பாக உங்களுக்கு நான் உதவி செய்கிறேன் என்று வாக்குறுதி அளித்திருந்தார்.

அந்த வாக்குறுதி அடிப்படையில் தற்போது 12.5 ரூபாய் ஐந்து லட்சம் மதிப்புள்ள புதிய கார் ஒன்றை பெண் ஆட்டோ ஓட்டுநர் கவிதா என்பவருக்கு வழங்கியுள்ளார். இந்த தகவல் தெரிந்ததும் சமந்தாவின் ரசிகர்கள் அவருக்கு பாராட்டுகளை குவித்து வருகின்றனர்.

சமந்தா தற்போது விக்னேஷ் சிவன் இயக்கி வரும் ’காத்துவாக்குல ரெண்டு காதல்’ என்ற படத்தில் நடித்து வருகிறார் என்பதும் இந்த படத்தில் விஜய் சேதுபதி மற்றும் நயன்தாரா ஆகியோர் முக்கிய வேடங்களில் நடித்து வருகின்றனர் என்பது குறிப்பிடத்தக்கது.