திருமணத்திற்கு பின்னரும் பிசியாக இருந்து வரும் சமந்தா, சிவகார்த்திகேயனுடன் நடித்த 'சீமராஜா' திரைப்படம் வரும் செப்டம்பர் 13ஆம் தேதி விநாயகர் சதுர்த்தி தினத்தில் வெளியாகவுள்ளது.

இந்த படத்திற்காக சமந்தா, சிலம்பம் கற்றார் என்ற செய்தி ஏற்கனவே கடந்த சில மாதங்களுக்கு முன் வெளிவந்தது தெரிந்ததே. இந்த நிலையில் தற்போது சமந்தா இந்த படத்தில் சிலம்பம் கலையை கற்றுத்தரும் மாஸ்டராக நடித்துள்ளது தெரியவந்துள்ளது.

அதுமட்டுமின்றி இந்த படத்தில் சமந்தா கேரக்டரின் பெயர் 'சுதந்திரதேவி' என்பது குறிப்பிடத்தக்கது. தமிழ் படத்தில் வித்தியாசமான இந்த கேரக்டரில் இதுவரை எந்த நடிகையும் நடித்ததில்லை என்று கூறப்படுகிறது. மேலும் இந்த படத்திற்காக சிலம்பம் கற்க, சமந்தா மூன்று மாதங்களில் 15 பயிற்சி வகுப்புகளில் எடுத்து கொண்டார் என்பது குறிப்பிடத்தக்கது.

சிவகார்த்திகேயன், சமந்தா, சிம்ரன், நெப்போலியன், சூரி, யோகிபாபு, மனோபாலா, சதீஷ் உள்பட பலர் நடித்துள்ள இந்த படத்தில் கீர்த்திசுரேஷ் சிறப்பு தோற்றத்தில் நடித்துள்ளார். டி.இமான் இசையமைத்து வரும் இந்த படத்தில் பாலசுப்பிரமணியம் ஒளிப்பதிவும், விவேக் ஹர்ஷன் படத்தொகுப்பு பணியும் செய்துள்ளனர். இந்த படத்தை பொன்ராம் இயக்கியுள்ளார்.