MR.சந்திரமெளலி படத்தின் இசையமைப்பாளர் அறிவிப்பு
- IndiaGlitz, [Sunday,October 22 2017]
நவரச நாயகன் கார்த்திக் மற்றும் அவரது மகன் கவுதம் கார்த்திக் முதன்முதலில் இணைந்து நடிக்கும் படம் ஒன்றை இயக்குனர் திரு இயக்குவதாகவும் இந்த படத்திற்கு MR.சந்திரமெளலி என்ற டைட்டில் வைத்திருப்பதாகவும் வெளிவந்த செய்தியினை ஏற்கனவே பார்த்தோம். இந்த நிலையில் இந்த படத்தின் இசையமைப்பாளர் குறித்த அறிவிப்பு தற்போது வெளிவந்துள்ளது.
MR.சந்திரமெளலி படத்தில் நடிக்கும் நடிகர்கள், மற்றும் தொழில்நுட்ப கலைஞர்கள் குறித்த தேர்வு நடைபெற்று வரும் நிலையில் தற்போது இந்த படத்திற்கு இசையமைக்க சாம் சி.எஸ் ஒப்பந்தமாகியுள்ளார். இவர் சமீபத்தில் வெளியாகி சூப்பர் ஹிட் பெற்ற 'விக்ரம் வேதா' உள்பட ஒருசில படங்களுக்கு இசையமைத்தவர் என்பது குறிப்பிடத்தக்கது
தனஞ்செயன் தயாரிக்கவுள்ள இந்த படத்தில் கார்த்திக், கவுதம் கார்த்திக், ரெஜினா, வரலட்சுமி, சந்தோஷ் பிரதாப் உள்ளிட்ட பலர் நடிக்கவுள்ளனர். இந்த படத்தின் படப்பிடிப்பு வரும் டிசம்பரில் தொடங்கவுள்ளது.