ஆட்டோவில் தவறவிட்ட பொருள் திரும்ப கிடைப்பது என்பது அரிதிலும் அரிதாகி வரும் நிலையில் பயணி ஒருவர் தவறவிட்ட ரூ.15 ஆயிரத்தை  காவல்துறையினர்களிடம் ஒப்படைத்த நேர்மையான ஆட்டோ டிரைவர் ஒருவர் குறித்த செய்தி வெளியாகியுள்ளது.

சென்னையில் கடந்த பல ஆண்டுகளாக ஆட்டோ ஓட்டி வருபவர் முத்துராஜ். இவருடைய ஆட்டோவில் பயணம் செய்த பயணி ஒருவர், தான் கொண்டு வந்திருந்த கைப்பையை மறந்து ஆட்டோவிலேயே விட்டுவிட்டு இறங்கி சென்றுவிட்டார். அந்த கைப்பையில் ரூ.15 ஆயிரம் ரொக்கம், விலையுயர்ந்த மொபைல் போன் மற்றும் சில மருந்துகள் இருந்துள்ளது.

இந்த நிலையில் பயணி தவறவிட்ட கைப்பையை ஆட்டோ டிரைவர் முத்துராஜ் காவல்துறையினர்களிடம் ஒப்படைத்து உரியவரிடம் சேர்த்துவிடுமாறு வேண்டுகோள் விடுத்துள்ளார். அவருடைய நேர்மையை காவல்துறை அதிகாரிகள் பாராட்டினர். மேலும் நெட்டிசன்களும் அவருடைய நேர்மையை பாராட்டி நெட்டிசன்கள் பதிவு செய்துவருகின்றனர்.