అలా చేస్తే త‌ప్పేంటి అంటున్న స‌లోని..!
- IndiaGlitz, [Monday,December 12 2016]
ధ‌న 51 చిత్రంతో తెలుగు తెర‌కు ప‌రిచ‌య‌మై...ఆత‌ర్వాత ఒక ఊరిలో, చుక్క‌ల్లో చంద్రుడు, కోకిల, మ‌ర్యాద రామ‌న్న, తెలుగమ్మాయి త‌దిత‌ర చిత్రాల్లో న‌టించింది అల‌రించింది స‌లోని. తాజాగా న‌వీన్ చంద్ర, పృధ్వీ న‌టించిన మీలో ఎవ‌రు కోటీశ్వ‌రుడు చిత్రంలో న‌టించింది. ఈనెల 16న మీలో ఎవ‌రు కోటీశ్వ‌రుడు ప్రేక్ష‌కుల ముందుకు వ‌స్తుంది.
అయితే...క‌మెడియ‌న్ ట‌ర్న‌డ్ హీరో సునీల్ స‌ర‌స‌న మ‌ర్యాద రామ‌న్న చిత్రంలో న‌టించిన స‌లోని ఇప్పుడు పృధ్వీ స‌ర‌స‌న న‌టించింది. క‌మెడియ‌న్స్ ప‌క్క‌న హీరోయిన్ గా న‌టిస్తున్నారు. దీని వ‌ల‌న మీ కెరీర్ కి ఇబ్బంది కాదా అని అడిగితే...రాజ‌మౌళి మ‌గ‌ధీర త‌ర్వాత మ‌ర్యాద రామ‌న్న అంటూ క‌మెడియ‌న్ సునీల్ తో సినిమా చేసారు. అలాంటిది నేను క‌మెడియ‌న్ ప‌క్క‌న న‌టిస్తే త‌ప్పేంటి అని అంటోంది. రాజ‌మౌళి అనుకుంటే క‌మెడియ‌న్ తో ఏమిటీ...ఆఖ‌రికి ఈగ‌తో కూడా సినిమా చేస్తాడు చేసేసాడు కూడా. స‌లోని ప‌రిస్థితి అలా కాదు క‌దా..! ఈ విష‌యం ఎప్పుడు తెలుసుకుంటుందో..?