close
Choose your channels

முன்னாள் காதலிக்கு வாழ்த்துக்கூறிய சல்லுபாய்… ரியாலிட்டி ஷோவில் நெகிழ்ச்சி!

Tuesday, February 1, 2022 • தமிழ் Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

பாலிவுட் நட்சத்திர நடிகையான கத்ரினா கைஃப் மற்றும் நடிகர் விக்கி கவுசால் திருமணம் கடந்த மாதம் நடைபெற்றது. இந்தத் திருமணத்திற்கு தனக்கு அழைப்பு விடுக்கப்படவில்லை என்றாலும் புதுமணத் தம்பதிகளுக்கு வாழ்த்துக்கூறி நெகிழ்ச்சியை ஏற்படுத்தி இருக்கிறார் பாலிவுட் சூப்பர் ஸ்டார் நடிகர் சல்மான்கான்.

நடிகை கத்ரினா கைஃபும் நடிகர் சல்மான் கானும் இணைந்து பல்வேறு திரைப்படங்களில் ஒன்றாக நடித்துள்ளனர். இவர்களை ஜோடியாகப் பார்த்த ரசிகர்களே, சில சமயங்களில் இவர்களுக்கு வாழ்த்துகளைக் கூறிவந்த நிலையில் இருவரும் காதலிப்பதாக ஊடகங்களில் தகவல் வெளியாகியது. ஆனால் இதுகுறித்த முழுமையான தகவல் எதுவும் தெரியாத நிலையில் தற்போது நடிகை கத்ரினா கைஃப் நடிகர் விக்கி கௌசாலை காதலித்து திருமணம் செய்துகொண்டார்.

ராஜஸ்தான் மாநிலத்திலுள்ள பாரம்பரிய அரண்மனையில் இவர்களுடைய திருமணம் விமர்சையாக நடைபெற்றது. இந்தத் திருமணத்திற்கு பாலிவுட்டில் இருந்த பிரபல நட்சத்திர நடிகர், நடிகைகளுக்கு அழைப்பு விடுக்கப்பட்டது. ஆனால் முன்னணி நடிகர் சல்மான்கானுக்கு அழைப்பு விடுக்கப்படவில்லை. இதனால் நடிகை கத்ரினாவை ரசிகர்கள் சிலர் விமர்சித்து வந்தனர்.

இப்படியிருக்கும்போது பிக்பாஸ் 15 கிராண்ட் பைனாலே நிகழ்ச்சியில் கலந்துகொண்ட நடிகர் சல்மான் கான் மேடையில் கத்ரினா நடித்த ஹிட் பாடல் ஒன்றிற்கு முன்னாள் போட்டியாளர்கள் நடனம் ஆடிய நிலையில் அவரும் உற்சாகத்தோடு நடனம் ஆடியிருக்கிறார். மேலும் பாடல் முடிந்ததும் “ஷாதி முபராக்“ என நடிகை கத்ரினாவிற்கும் நடிகர் விக்கி கவுசாலுக்கும் தனது வாழ்த்துக்களை கூறியுள்ளார்.

திருமணம் முடிந்து ஒரு மாதம் கழித்து ரியாலிட்டி ஷோவில் நடிகர் சல்மான் கான் வாழ்த்து கூறியிருப்பது ரசிகர்களிடையே நெகிழ்ச்சியை ஏற்படுத்தியிருக்கிறது.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.   

Comments

Welcome to IndiaGlitz comments! Please keep conversations courteous and relevant to the topic. To ensure productive and respectful discussions, you may see comments from our Community Managers, marked with an "IndiaGlitz Staff" label. For more details, refer to our community guidelines.
settings
Login to post comment
Cancel
Comment