స‌ల్మాన్‌ఖాన్‌, క‌త్రినాకైఫ్ జంట‌గా న‌టించిన చిత్రం `భార‌త్‌`. ఈద్ సంద‌ర్భంగా ఈ చిత్రం జూన్ 5న విడుద‌ల కానుంది. నిజానికి ముందు ఈ సినిమాలో ప్రియాంక చోప్రాను హీరోయిన్‌గా అనుకున్నారు. ముందు ప్రియాం కూడా ఓకే చెప్పినా .. సినిమా మ‌రో రెండు నెల‌ల్లో ప్రారంభం కానుంద‌నే స‌మయంలో పెళ్లి కుద‌ర‌డం త‌దిత‌ర కార‌ణాల‌తో , ప్రాజెక్ట్ నుండి త‌ప్పుకున్నారు. ప్ర‌స్తుతం ఈ సినిమా యూనిట్ ప్ర‌మోష‌న్స్‌లో బిజీగా ఉంది.

కత్రినాని ఆమె పాత్ర గురించి మీడియా ప్ర‌శ్నించ‌గా.. ``సినిమాకు రెండు నెల‌ల స‌మ‌యం మాత్ర‌మే ఉండింది. లుక్ ప‌రంగా రెడీ అయితే చాల‌ని ద‌ర్శ‌క నిర్మాత‌లు చెప్పారు`` అన్నారు. దానికి సల్మాన్ కూడా స్పందించారు. ``క‌త్రినాకి మ‌రింత స‌మ‌యం ఉండుంటే ఇంకా క‌ష్ట‌ప‌డేవారు. కానీ ప్రియాంక అంత స‌మ‌యం ఇవ్వ‌లేదు`` అంటూ ప్రియాంక‌పై సెటైర్ వేశారు స‌ల్మాన్‌.

అలీ అబ్బాస్ జాఫ‌ర్ ద‌ర్శ‌క‌త్వంలో తెర‌కెక్కుతోన్న ఈ సినిమాలో దిశాప‌టాని, ట‌బు కీల‌క పాత్ర‌ల్లో న‌టించారు.