మెగా ప‌వ‌ర్ స్టార్ రామ్ చ‌ర‌ణ్ బాలీవుడ్ లో న‌టించిన తొలి చిత్రం జంజీర్ ప్లాప్ అవ్వ‌డంతో..ఆత‌ర్వాత మ‌ళ్లీ బాలీవుడ్ మూవీ చేయ‌లేదు. అయితే జంజీర్ త‌ర్వాత చ‌ర‌ణ్ అశుతోష్ గోవ‌రిక‌ర్ మొహంజో దారో మూవీలో న‌టిస్తాడ‌ని వార్త‌లు వ‌చ్చాయి. కానీ ఎందుక‌నో చ‌ర‌ణ్ ఈ మూవీలో న‌టించ‌లేదు.

ఇదిలా ఉంటే... బాలీవుడ్ స‌మాచారం ప్ర‌కారం చ‌ర‌ణ్ తో స‌ల్మాన్ ఖాన్ ఓ మూవీ ప్లాన్ చేస్తున్నాడ‌ట‌. ఈ మూవీలో చ‌ర‌ణ్ తో క‌ల‌సి స‌ల్మాన్ ఖాన్ కూడా న‌టించ‌నున్నార‌ట‌. యాక్ష‌న్ ఎంట‌ర్ టైన‌ర్ గా రూపొందే ఈమూవీని వ‌చ్చే సంవ‌త్స‌రంలో ప్రారంభించ‌నున్న‌ట్టు స‌మాచారం. ఇక టాలీవుడ్ లో చ‌ర‌ణ్ వ‌చ్చే సంవ‌త్స‌రం సురేంద‌ర్ రెడ్డి ద‌ర్శ‌క‌త్వంలో ఓ మూవీ, గౌత‌మ్ మీన‌న్ ద‌ర్శ‌క‌త్వంలో ఓ మూవీ చేయ‌నున్నాడు. ఇటు టాలీవుడ్.. అటు బాలీవుడ్ లో వ‌చ్చే సంవ‌త్స‌రం సినిమాలు చేసి సెన్సేష‌న్ క్రియేట్ చేయ‌డానికి ప్లాన్ చేసాడ‌న్న‌మాట చ‌ర‌ణ్. మ‌రి ఈసారైనా బాలీవుడ్ లో స‌క్సెస్ సాధిస్తాడో..? లేదో..? చూడాలి.