Salaar Trailer: ప్లీజ్ ఐ కైండ్లీ రిక్వెస్ట్... 'సలార్' ట్రైలర్... ఫ్యాన్స్‌కు గూస్ బంప్స్
- IndiaGlitz, [Friday,December 01 2023]
రెబల్ స్టార్ ప్రభాస్ అభిమానులు ఎంతగానో ఎదురుచూస్తున్న సమయం వచ్చేసింది. 'సలార్ పార్ట్ 1' ట్రైలర్‌ను మేకర్స్ విడుదల చేశారు. 3 నిమిషాల 47 సెకన్ల నిడివిలో కట్ చేసిన ట్రైలర్ ఫ్యాన్స్‌కు గూస్ బంప్స్ తెప్పిస్తోంది. చివర్లో 'ప్లీజ్ ఐ కైండ్లీ రిక్వెస్ట్' అంటూ ప్రభాస్ చెప్పే డైలాగ్ సినిమాపై భారీ అంచనాలు నెలకొనేలా చేసింది.
ఇక 'కేజీఎఫ్' డైరెక్టర్ ప్రశాంత్ నీల్ దర్శకత్వవం వహించిన 'సలార్' మూవీలో ప్రభాస్‌కు జోడీగా శృతిహాసన్ నటిస్తున్నారు. విలన్‌గా వరదరాజ మన్నార్ పాత్రలో మలయాళ స్టార్ హీరో పృథ్వీరాజ్ సుకుమారన్, రాజ మన్నార్ పాత్రలో సీనియర్ జగపతి బాబు, శ్రియా రెడ్డి, కన్నడ నటుడు మధు గురుస్వామి, తదితరులు ఇతర పాత్రలు పోషిస్తున్నారు.
తెలుగుతో పాటు కన్నడ, హిందీ, తమిళ్, మలయాళం భాషల్లో తెరకెక్కిన పార్ట్1 డిసెంబర్ 22న విడుదల కానుండగా.. పార్ట్ 2 వచ్చే ఏడాది ప్రేక్షకుల ముందుకు రానుంది.
మరోవైపు క్రిస్మస్ కానుకగా డిసెంబర్ 22న షారుఖ్ ఖాన్ నటించిన 'డంకీ'(Dumki) సినిమాను విడుదల చేస్తున్నట్లు ఎప్పుడో ప్రకటించారు. ప్రముఖ దర్శకుడు రాజ్ కుమార్ హిరాణీ దర్శకత్వం వహించారు. ఈ ఏడాది షారుఖ్ నటించిన 'పఠాన్'(Pathaan), సెప్టెంబర్‌లో విడుదలైన 'జవాన్'(Jawan) చిత్రాలు రూ.1000కోట్లకు పైగా వసూలు చేసి రికార్డు సృష్టించాయి.
దీంతో ఈ మూవీపై అభిమానుల్లో భారీ అంచనాలు నెలకొన్నాయి. దీంతో రెండు పెద్ద సినిమాలు ఒకే రోజు విడుదల కానుండడంతో వసూళ్లపై ప్రభావం చూపించే అవకాశం ఉందని విశ్లేషకులు అంచనా వేస్తున్నారు.