Salaar:'సలార్-సీజ్ ఫైర్' రన్ టైమ్ ఫిక్స్.. ఎన్ని గంటలు అంటే..?
![](https://d1pyuwmru9u39x.cloudfront.net/images/player/play-spl.png)
![](https://d1pyuwmru9u39x.cloudfront.net/images/player/igplunmute.png)
Send us your feedback to audioarticles@vaarta.com
![](https://d1pyuwmru9u39x.cloudfront.net/images/player/igpl-like.png)
![](https://d1pyuwmru9u39x.cloudfront.net/images/player/igpl-dislike.png)
రెబల్ స్టార్ ప్రభాస్ అభిమానులతో పాటు యావత్ దేశం ఎంతో ఆతృతగా ఎదురుచూస్తున్న సినిమా 'సలార్-సీజ్ ఫైర్. ఇటీవల విడుదలైన ట్రైలర్ సోషల్ మీడియాను షేక్ చేసింది. తెలుగు, హిందీ, తమిళ, మలయాళ, కన్నడ అన్ని భాషల్లో కలిపి 24 గంటల్లోనే ఏకంగా 116 మిలియన్ల వ్యూస్ అందుకుని రికార్డు సృష్టించింది. డిసెంబర్ 22న క్రిస్మస్ కానుకగా విడుదల కానున్న ఈ చిత్రం రన్ టైమ్ లాక్ అయింది. సెన్సార్ పూర్తి కావడంతో ఈ మూవీ నిడివి 2 గంటల 55 నిమిషాల 22 సెకెన్లుగా ఫిక్స్ అయింది. అలాగే సినిమాలో యాక్షన్ సీక్వెన్ భారీగా ఉండటంతో పాటు వయెలెన్స్ కూడా పరిమితికి మించి ఉండటంతో సెన్సార్ బోర్డు A సర్టిఫికెట్ జారీ చేసింది. ఈ మేరకు చిత్ర యూనిట్ ప్రకటించింది.
అటు ఇటుగా 3 గంటల సినిమా కావడంతో ప్రభాస్ అభిమానుల్లో కాస్త టెన్షన్ నెలకొంది. మూవీ స్టోరీ అద్భుతంగా ఉంటే సరే కానీ.. లేదంటే ప్రేక్షకులు బోర్ ఫీలయ్యే అవకాశం ఉందంటున్నారు. కొంతమంది అభిమానులు మాత్రం ఇటీవల విడుదలైన 'యానిమల్' చిత్రం దీని కన్నా ఎక్కువ నిడివి ఉన్నా హిట్ టాక్ అందుకున్న విషయాన్ని గుర్తుచేస్తున్నారు. మొత్తానికి బాహుబలి తర్వాత ఆ స్థాయి హిట్ ప్రభాస్కు పడలేదు. సాహో యావరేజ్గా నిలిచినా రాధేశ్యామ్, ఆదిపురుష్ చిత్రాలు డిజాస్టర్గా నిలిచాయి. దీంతో 'సలార్' మీదే డార్లింగ్ ఫ్యాన్స్ ఆశలు పెట్టుకున్నారు.
మరోవైపు విడుదలకు ముందే మూవీ బిజినెస్ రికార్డు స్థాయిలో జరిగినట్లు తెలుస్తోంది. సినిమా ఓటీటీ రైట్స్ రూ.160 కోట్లకు అమ్ముడైనట్లు సమాచారం. ప్రముఖ ఓటీటీ ప్లాట్ ఫామ్ నెట్ ఫ్లిక్స్ దీనిని దక్కించుకున్నట్లు ఫిల్మ్ నగర్ వర్గాలు చెబుతున్నాయి. నిర్మాణ సంస్థ హోంబలే ఫిల్మ్స్ తో కొద్ది రోజుల కిందటే నెట్ ఫ్లిక్స్ ఈ భారీ డీల్ కుదుర్చుకున్నట్లు పేర్కొంటున్నాయి. ఇదే నిజమైతే ఇప్పటి వరకు ప్రభాస్ నటించిన సినిమాలన్నింటిలో అత్యధిక ధర పలికిన సినిమాగా రికార్డు సృష్టించనుంది. ఇక ఈ సినిమాను కేజీఎఫ్ డైరెక్టర్ ప్రశాంత్ నీల్ దర్శకత్వం వహిస్తుండగా.. స్టార్ హీరోయిన్ శృతిహాసన్ ప్రభాస్కు జోడీగా నటిస్తోంది. పృథ్వీరాజ్ సుకుమారన్, ఈశ్వరీ రావు, జగపతి బాబు, టిన్ను ఆనంద్, రావు రమేశ్ తదితరులు ఇతర కీలక పాత్రల్లో నటిస్తున్నారు.
Follow @ Google News: గూగుల్ న్యూస్ పేజీలోని ఇండియాగ్లిట్జ్ తెలుగు వెబ్సైట్ను అనుసరించడానికి మరియు వెంటనే వార్తలను తెలుసుకోవడాని ఇక్కడ క్లిక్ చేయండి.
Comments