‘సలార్’కి రెగ్యులర్ షూటింగ్ డేట్ కుదిరింది..!
- IndiaGlitz, [Saturday,December 26 2020]
ప్రభాస్ హీరోగా ప్రశాంత్ నీల్ దర్శకత్వంలో హోంబ‌లే ఫిలింస్ బ్యాన‌ర్‌లో విజ‌య్ క‌ర‌గందూర్ ‘సలార్’ అనే ప్యాన్ ఇండియా మూవీని నిర్మించనున్న సంగతి తెలిసిందే. ప్రస్తుతం ‘రాధేశ్యామ్’ చిత్రీకరణలో బిజీగా ఉన్న ప్రభాస్ చేతిలో మూడు ప్యాన్ ఇండియా సినిమాలున్నాయి. అందులో ఓ చిత్రం ‘సలార్’. ఇది కాకుండా ఓం రావుత్ దర్శకత్వంలో ‘ఆదిపురుష్’ సినిమాతో పాటు, నాగ్ అశ్విన్ దర్శకత్వంలో ప్రభాస్ సినిమా చేయాల్సి ఉంది. ఇన్ని సినిమాలు ఉండగా ప్రభాస్ ‘సలార్’ సినిమాను ట్రాక్‌లోకి తెస్తున్నాడు. జనవరి 18 నుంచి ఈ సినిమా రెగ్యులర్ షూటింగ్ స్టార్ట్ కానుంది. నాలుగు నెలల పాటు ‘సలార్’ కోసం డేట్స్‌ను కేటాయించాడట. మే చివరి నాటికంతా ‘సలార్’ షూటింగ్‌ను పూర్తి చేసేలా యూనిట్ ప్లాన్ చేసిందట.
‘సలార్’ అంటే కింగ్ మేకర్ అని, రాజుకు కుడిభుజంలాంటి వ్య‌క్తి అని అర్థాన్ని వివరించారు ప్రశాంత్ నీల్. దీంతో సినిమాలో ప్రభాస్ కింగ్ మేకర్ అయితే.. కింగ్ ఎవరు? ప్రభాస్ ఇమేజ్‌కు త‌గ్గ స్టార్ ఎవరు ఉండ‌బోతారు? అనే కోణంలో ప‌లు వార్త‌లు వినిపించాయి. దానికి సమాధానంగా మలయాళ సూపర్‌స్టార్ మోహన్‌లాల్ నటిస్తాడని అంటున్నారు. దిశా పటాని హీరోయిన్‌గా నటిస్తుందని టాక్ వినిపిస్తోంది. త్వరలోనే ఈ వార్తలకు సంబంధించి మరింత క్లారిటీ రానుందని ఇండస్ట్రీ వర్గాల సమాచారం.