சந்தானம், சிம்புவுடன் இணைந்த ராஜூ சுந்தரம்
- IndiaGlitz, [Thursday,October 05 2017]
சந்தானம் நடித்து வரும் 'சக்க போடு போடு ராஜா' படத்தின் பாடலான 'கலக்கு மச்சான்' சிங்கிள் பாடல் இன்று மாலை 6 மணிக்கு வெளிவரவுள்ளது. இந்த படத்திற்கு நடிகர் சிம்பு இசையமைத்துள்ளார். சிம்புவின் முதல் பாடலை வரவேற்க சிம்பு மற்றும் சந்தானம் ரசிகர்கள் தயார் நிலையில் உள்ளனர்.
இந்த நிலையில் இந்த படத்தின் படப்பிடிப்பு விறுவிறுப்பாக நடைபெற்று வருகிறது. இந்த படத்தின் பாடல் காட்சி ஒன்று சென்னை அருகேயுள்ள பின்னி மில்லில் நடந்து வருவதாகவும், இந்த பாடல் காட்சிக்கு ராஜூசுந்தரம் நடனம் அமைத்து வருவதாகவும் தகவல்கள் வெளிவந்துள்ளது.
சந்தானம், வைபவி, விவேக், விடிவி கணேஷ், ரோபோ சங்கர், உள்பட பலர் நடித்து வரும் இந்த படத்தை சேதுராமன் இயக்கி வருகிறார். விடிவி புரடொக்சன்ஸ் தயாரிக்கும் இந்த படம் இவ்வாண்டு இறுதியில் வெளியாகும் என்று எதிர்பார்க்கப்படுகிறது.