சிம்பு தற்போது ஆங்கிலப்படம் மற்றும் மணிரத்னம் படம் ஆகியவற்றில் நடிக்க தயாராகி வரும் நிலையில் அவர் முதன்முதலாக இசையமைத்த 'சக்க போடு போடு ராஜா' படத்தின் சிங்கிள் ரிலீஸ் தேதி தற்போது அதிகாரபூர்வமாக அறிவிக்கப்பட்டுள்ளது.

சந்தானம் ஹீரோவாக நடித்து வரும் இந்த படத்தின் படப்பிடிப்பு விறுவிறுப்பாக நடைபெற்று வரும் நிலையில் இந்த படத்தின் சிங்கிள் பாடல் அக்டோபர் 5ஆம் தேதி வெளியாகவுள்ளதாக படக்குழுவினர் அறிவித்துள்ளனர். மேலும் இதை உறுதி செய்யும் வகையில் சிங்கிள் பாடல் ரிலீஸ் ஆகும் தேதியுடன் கூடிய புதிய போஸ்டர் ஒன்றும் இணையதளங்களில் வெளியாகியுள்ளது.

சந்தானம், வைபவி, விவேக், விடிவி கணேஷ், ரோபோ சங்கர், உள்பட பலர் நடித்து வரும் இந்த படத்தை சேதுராமன் இயக்கி வருகிறார். விடிவி புரடொக்சன்ஸ் தயாரிக்கும் இந்த படம் இவ்வாண்டு இறுதியில் வெளியாகும் என்று எதிர்பார்க்கப்படுகிறது.