'சக்க போடு போடு ராஜா' சென்சார் மற்றும் ரன்னிங் டைம்
- IndiaGlitz, [Saturday,December 16 2017]
சந்தானம் ஹீரோவாக நடித்துள்ள 'சக்க போடு போடு ராஜா' திரைப்படம் வரும் 22ஆம் தேதி கிறிஸ்துமஸ் விருந்தாக வெளிவரவுள்ளது. இந்த படத்தின் மூலம் சிம்பு இசையமைப்பாளராக அறிமுகமாவதால் அவருடைய ரசிகர்களும் இந்த படத்தை எதிர்பார்த்துள்ளனர்.
இந்த நிலையில் இந்த படத்தின் சென்சார் மற்றும் ரன்னிங் டைம் குறித்த தகவல்களை தற்போது பார்ப்போம். இந்த படத்திற்கு சென்சார் அதிகாரிகள் 'UA' சான்றிதழ் அளித்துள்ளனர். மேலும் இந்த படம் 2 மணி நேரம் 23 நிமிடங்கள் 15 வினாடிகள், அதாவது 143 நிமிடங்கள் 15 வினாடிகள் ஓடும் வகையில் அமைந்துள்ளது.
சந்தானம், வைபவி, விவேக், விடிவி கணேஷ், ரோபோ சங்கர் உள்ளிட்ட பலர் நடித்து வரும் இந்த படத்தை விடிவி கணேஷ் தயாரித்துள்ளார். அபிநந்தன் ராமானுஜன் ஒளிப்பதிவில், அந்தோணி படத்தொகுப்பில் உருவாகியுள்ள இந்த படத்தை சேதுராமன் இயக்கியுள்ளார்.