சூர்யாவுக்கு ஜோடியாகும் டீச்சர் நடிகை
- IndiaGlitz, [Wednesday,December 20 2017]
சூர்யா நடித்துள்ள 'தானா சேர்ந்த கூட்டம்' திரைப்படம் வரும் பொங்கல் தினத்தில் வெளியாகவுள்ள நிலையில் அவர் நடிக்கும் படம் ஒன்றை பிரபல இயக்குனர் செல்வராகவன் இயக்கவுள்ளார் என்பது தெரிந்ததே
இந்த நிலையில் சூர்யா-செல்வராகவன் முதன்முதலாக இணையும் இந்த படத்தின் நாயகி தேர்வு கடந்த சில நாட்களாக நடைபெற்று வந்த நிலையில் தற்போது சாய்பல்லவி இந்த படத்தின் நாயகியாக ஒப்பந்தம் செய்யப்பட்டுள்ளார். மலர் டீச்சர் கேரக்டரில் பிரேமம் படத்தில் நடித்த சாய்பல்லவி, அந்த ஒரே கேரக்டரால் தென்னிந்தியா முழுவதும் பிரபலமானார் என்பது தெரிந்ததே
ட்ரீம் வாரியர் பிக்சர்ஸ் நிறுவனம் தயாரிக்கவுள்ள இந்த படம் வரும் 2018ஆம் ஆண்டு தீபாவளி அன்று திரையிட திட்டமிடப்பட்டுள்ளது. ஏற்கனவே அதே தீபாவளி தினத்தில் தான் 'அஜித் 58' மற்றும் 'விஜய் 62' படங்களும் வெளியாகும் என்று எதிர்பார்க்கப்படுகிறது. எனவே வரும் தீபாவளி விஜய், அஜித், சூர்யா ரசிகர்களுக்கான தீபாவளி என்பது குறிப்பிடத்தக்கது.