ஃபோர்ப்ஸ் பட்டியலில் இடம்பிடித்த தனுஷ் பட நாயகி!
- IndiaGlitz, [Saturday,February 08 2020]
இந்தியாவில் உள்ள 30 வயதுக்கு உட்பட்ட சாதனையாளர்கள் பட்டியல் ஒன்றை போர்ப்ஸ் நிறுவனம் சமீபத்தில் வெளியிட்டுள்ளது. இந்த பட்டியலில் இடம் பெற்ற ஒரே நடிகை என்ற பெருமை நடிகை சாய் பல்லவி கிடைத்துள்ளது
தனுஷ் நடித்த ’மாரி 2’ உட்பட பல தமிழ், தெலுங்கு மலையாள படங்களில் நடித்த சாய்பல்லவி, தனது முதல் படமான ‘பிரேமம்’ என்ற படத்திலேயே இந்தியா முழுவதும் புகழ் பெற்றவர் என்பது குறிப்பிடத்தக்கது
இந்த நிலையில் ஃபோர்ப்ஸ் வெளியிட்டுள்ள 30 வயதுக்கு உள்பட்ட ஒரு பட்டியலில் சாய்பல்லவியின் பெயரும் உள்ளது. இது குறித்து சாய்பல்லவி தனது சமூக வலைத்தளத்தில் தன்னை கவுரவித்த ஃபோர்ப்ஸ் நிறுவனத்திற்கு நன்றி என தெரிவித்துள்ளார். இதனையடுத்து சாய் பல்லவிக்கு அவரது ரசிகர்கள் வாழ்த்துக்களை குவித்து வருகின்றனர். சாய்பல்லவி தற்போது நாக சைதன்யாவுடன் லவ் ஸ்டோரி என்ற படத்திலும், நடிகர் ராணாவுடன் ’விரத பர்வம்’ என்ற படத்திலும் நடித்து வருகிறார் என்பது குறிப்பிடத்தக்கது