డిజిటల్‌లోకి సైనా నెహ్వాల్ బయోపిక్..!
- IndiaGlitz, [Thursday,January 28 2021]
బాలీవుడ్ స్టార్ హీరోయిన్ ప్రియాంక చోప్రా సోద‌రి.. హీరోయిన్ ప‌రిణీతి చోప్రా ప్ర‌స్తుతం ఓ బ‌యోపిక్‌లో న‌టిస్తోన్న సంగ‌తి తెలిసిందే. ఆ బయోపిక్ ఎవ‌రిదో కాదు.. ప్ర‌ముఖ బ్యాడ్మింట‌న్ క్రీడాకారిణి సైనా నెహ్వాల్‌ది. 'సైనా' పేరుతో ఈ సినిమా రూపొందుతోంది. షూటింగ్ పూర్తి చేసుకున్న ఈ చిత్రం కోవిడ్ ప్ర‌భావంతో ఆగింది. ఇంకా సినిమా థియేట‌ర్స్ యాబై శాతం ఆక్యుపెన్సీతో ర‌న్ అవుతుండటంతో సైనా సినిమా మేక‌ర్స్ సినిమాను థియేట‌ర్స్‌లో విడుద‌ల చేయ‌డానికి ఆస‌క్తి చూప‌లేదు. అందుక‌ని ఓటీటీలోనే ఈ స్పోర్ట్స్ ఉమెన్ బ‌యోపిక్‌ను విడుద‌ల చేయాల‌నుకుంటున్న‌ట్లు వార్త‌లు హ‌ల్‌చ‌ల్ చేస్తున్నాయి.
నిజానికి సైనా నెహ్వాల్ బ‌యోపిక్‌లో ముందు శ్ర‌ద్ధాక‌పూర్ న‌టించాల్సింది. శ్ర‌ద్ధాక‌పూర్ కొన్నిరోజుల పాటు షూటింగ్‌లో కూడా పాల్గొంది. కానీ డేట్స్ విష‌యంలో స‌ర్దుబాటు చేయ‌లేక‌పోవ‌డం.. మ‌ధ్య‌లో శ్ర‌ద్ధాక‌పూర్‌కి ఆరోగ్యం స‌రిగా లేక‌పోవ‌డం వంటి కార‌ణాల‌తో చిత్ర నిర్మాత‌లు శ్ర‌ద్ధాక‌పూర్ స్థానంలో ప‌రిణీతి చోప్రాను ఎంపిక చేసుకున్నారు. సినిమా కోసం ప‌రిణీతి చోప్రా చాలానే క‌ష్ట‌ప‌డింది. గాయ‌ప‌డింది కూడా. అనేక క‌ష్ట‌న‌ష్టాల‌కు ఓర్చి ప‌రిణీతి చోప్రా చేసిన ఈ సినిమా విడుద‌లపై త్వ‌ర‌లోనే నిర్మాత‌లు ఓ క్లారిటీ ఇవ్వ‌బోతున్నారు.