பாகுபலி’ நாயகன் பிரபாஸ் தற்போது ’ராதே ஷ்யாம்’ மற்றும் ’நடிகையர் திலகம்’ இயக்குனர் நாக் அஸ்வின் இயக்கும் திரைப்படங்களில் நடித்து வருகிறார். நாக் அஸ்வின் இயக்கத்தில் உருவாகும் திரைப்படம் மூன்றாம் உலகப் போர் குறித்த பான் இந்தியா திரைப்படம் என்பதும் இந்த படத்தில் பிரபல பாலிவுட் நடிகை தீபிகா படுகோனே நாயகியாக நடிக்க உள்ளார் என்பதும் குறிப்பிடத்தக்கது

இந்த நிலையில் நடிகர் பிரபாஸ் நடிக்கும் 22-வது படம் குறித்த அறிவிப்பு சமீபத்தில் அதிகாரபூர்வமாக வெளியானது. இந்த படத்தை பிரபல பாலிவுட் இயக்குனர் ஓம் ரவுட் என்பவர் இயக்க்கவுள்ளார். இப்படத்திற்கு ’ஆதி புருஷ்’ என்ற டைட்டில் வைக்கப்பட்டுள்ளது என்பதும், 3டி தொழில்நுட்பத்தில் உருவாகும் இந்த படம் தமிழ், தெலுங்கு, இந்தி உள்பட பல இந்திய மொழிகளில் தயாரிக்கப்படும் பான்-இந்தியா திரைப்படம் என்பதும் குறிப்பிடத்தக்கது.

இந்த நிலையில் இந்த திரைப்படத்தில் மெயின் வில்லனாக முன்னணி பாலிவுட் நடிகர் சயிப் அலிகான் நடிக்கவுள்ளதாக அறிவிக்கப்பட்டுள்ளது. 7000 வருடங்களுக்கு முந்தைய ஒரு அமானுஷ்ய கேரக்டரில் தான் சயிப் அலிகான் நடிக்கவுள்ளார் என்பது குறிப்பிடத்தக்கது

ஏற்கனவே அக்சயகுமார், விவேக் ஓபராய் உள்ளிட்ட பாலிவுட் பிரபலங்கள் தென்னிந்திய படங்களில் வில்லனாக நடித்திருக்கும் நிலையில் தற்போது சயிப் அலிகானும் வில்லனாக நடிக்கவுள்ளார் என்பது குறிப்பிடத்தக்கது. சயிப் அலிகான் இந்த படத்தில் இணைந்ததால் அகில இந்திய அளவில் மிகவும் எதிர்பார்ப்புக்குரிய படமாக மாறியுள்ளது

View this post on Instagram

7000 years ago existed the world's most intelligent demon! #Adipurush #SaifAliKhan @omraut @bhushankumar @vfxwaala @rajeshnair29 @tseriesfilms @retrophiles1 @tseries.official #TSeries

A post shared by Prabhas (@actorprabhas) on Sep 2, 2020 at 6:41pm PDT