கோலிவுட்டால் அழகாக மாறும் சைதை ரயில் நிலையம்
- IndiaGlitz, [Tuesday,November 15 2016]
சென்னை நகரின் அழகை மேம்படுத்த பல்வேறு நடவடிக்கைகள் எடுக்கப்பட்டு வருகிறது. அவற்றில் ஒன்று சாலையோர சுவர்கள், பாலங்களில் உள்ள சுவர்களில் நமது முன்னோர்களின் பெருமைகளை சித்திரமாக வரைந்து வரப்படுகிறது.
இந்நிலையில் ரயில் நிலையங்களிலும் அழகழகான சித்திரங்கள் வரையப்பட்டு ரயில் பயணிகளின் பாராட்டுக்களை பெற்று வருகிறது தென்னக ரயில்வே.அந்த வகையில் சைதாப்பேட்டை ரயில் நிலையத்தில் தமிழ் சினிமா நாயகர்கள் சித்திரங்கள் தத்ரூபமாக வரையப்பட்டுள்ளன
எம்.ஜி.ஆர், சிவாஜி, ரஜினி, கமல், கவுண்டமணி-செந்தில் ஓவியங்கள் சைதாப்பேட்டை ரயில் நிலைய சுவற்றில் வரையப்பட்டுள்ளது. இந்த ஓவியங்களின் புகைப்படங்கள் சமூக வலைத்தளங்களில் மிக வேகமாக பகிரப்பட்டும், பாராட்டப்பட்டும் வருகின்றது. இதுபோல் சென்னையின் அனைத்து ரயில் நிலையங்களையும் அழகுபடுத்த வேண்டும் என்பதே அனைவரின் விருப்பதாக உள்ளது.