మెగా క్యాంప్ హీరో సాయితేజ్ ఈ ఏడాది చిత్రల‌హ‌రితో స‌క్సెస్‌ను త‌న ఖాతాలో వేసుకున్నాడు. ప్ర‌స్తుతం మారుతి ద‌ర్శ‌క‌త్వంలో `ప్ర‌తిరోజూ పండ‌గే` సినిమా చేస్తున్నాడు. జి.ఎ2.పిక్చ‌ర్స్‌, యు.వి.క్రియేష‌న్స్ ఈ చిత్రాన్నినిర్మిస్తున్నాయి. అల్లు అర‌వింద్ ఈ చిత్రాన్ని స‌మ‌ర్పిస్తున్నాడు. ఈ సినిమాను వ‌చ్చే ఏడాది సంక్రాంతికి విడుద‌ల చేస్తార‌ని వార్త‌లు విన‌ప‌డ్డాయి. రాశీఖ‌న్నాహీరోయిన్‌గా న‌టిస్తోంది. అయితే లేటెస్ట్ స‌మాచారం ప్ర‌కారం ఈ సినిమాను ముందుగానే విడుద‌ల చేయాల‌ని నిర్మాత‌లు నిర్ణ‌యించుకున్నార‌ట‌. కుదిరితే డిసెంబ‌ర్‌లోనే సినిమాను విడుద‌ల చేయాల‌ని అనుకుంటున్నారు. అందుకు త‌గిన‌ట్లు డిసెంబ‌ర్ నెల‌లో క్రిస్మ‌స్ వారం కానీ.. లేదా అటో ఇటో కానీ సినిమాను విడుద‌ల చేసేలా ప్లాన్ చేస్తున్నార‌ట‌. నిజంగానే ఈ ఏడాదిలోనే సినిమా విడుద‌లైతే సాయితేజ్ హీరోగా రెండు సినిమాలు వ‌చ్చిన‌ట్లే.

2014లో సాయితేజ్ `పిల్లా నువ్వులేని జీవితం` విడుద‌లైంది. త‌ర్వాత ఏడాది నుండి అంటే 2015లో రేయ్‌, సుబ్ర‌మ‌ణ్యం ఫ‌ర్ సేల్‌, 2016లో సుప్రీమ్, తిక్క‌, 2017లో విన్న‌ర్‌, న‌క్ష‌త్రం, జ‌వాన్‌, 2018లో ఇంటిలిజెంట్‌, తేజ్ ఐ ల‌వ్‌యూ చిత్రాలు విడుద‌లయ్యాయి. అంటే ప్రారంభంలో త‌ప్ప ప్ర‌తి ఏడాది రెండు, మూడు సినిమాలతో తేజ్ సంద‌డి చేశాడు. ఈ ఏడాది ఓకే సినిమాతోనే స‌రిపెడ‌దామ‌ని అనుకున్నా.. సెంటిమెంట్ మాత్రం రిపీట్ అయ్యింది.

ఇక డైరెక్ట‌ర్ మారుతి విషయానికి వ‌స్తే ఈయ‌న గ‌త ఏడాది 2018 సెప్టెంబ‌ర్‌లో విడుద‌లైన `శైల‌జారెడ్డి అల్లుడు`తో ప్రేక్ష‌కుల ముందుకు వ‌చ్చాడు. ఈ సినిమా విడుద‌లై ఏడాది త‌ర్వాత కానీ మ‌రో సినిమా విడుద‌ల కావ‌డం లేదు. ఈ సక్సెస్ మారుతికెంతో ప్ర‌త్యేకం కానుంది. కాబ‌ట్టి మారుతి సినిమాను ప్రేక్ష‌కులు మెచ్చేలా ఫ్యామిలీ ఎంట‌ర్‌టైన‌ర్‌ను తెర‌కెక్కిస్తున్నాడు.