మంచు మ‌నోజ్‌, సాయితేజ్ మంచి స్నేహితులు. సినిమాల్లోకి రాక ముందు ఇద్ద‌రూ క‌లిసి ఎంచ‌క్కా క్రికెట్ ఆడుకునేవాళ్లు. ఈ విష‌యాన్ని చాలా సంద‌ర్భాల్లో మ‌నోజ్‌, సాయితేజ్ చెప్పారు కూడా. ఆ స్నేహం కోసం సాయితేజ్‌.. త‌న వంతు సాయాన్ని మ‌నోజ్‌కు చేయ‌డానికి రెడీ అయిన‌ట్లు సినీ వ‌ర్గాల స‌మాచారం. వివ‌రాల్లోకి వెళితే.. మంచు మ‌నోజ్ హీరోగా. నిర్మాత‌గా రూపొందిస్తోన్న చిత్రం ‘అహం బ్ర‌హ్మాస్మి’. పాన్ ఇండియా మూవీగా తెర‌కెక్కుతోన్న ఈ చిత్రం ప్ర‌స్తుతం చిత్రీక‌ర‌ణ ద‌శ‌లోఉంది. ఈ చిత్రంలో క‌థ‌ను మ‌లుపు తిప్పే ఓ చిన్న పాత్ర ఉంద‌ట‌. ఆ పాత్ర‌ను ఎవ‌రితో చేయించాల‌ని మ‌నోజ్ చాలానే ఆలోచించాడ‌ట‌. అయితే చివ‌ర‌కు సాయితేజ్‌ను అడిగితే.. మ‌నోజ్ కోసం స‌ద‌రు పాత్ర‌ను చేయ‌డానికి సాయితేజ్ ఓకే చెప్పాడ‌ట.

చాలా గ్యాప్ త‌ర్వాత సినిమా చేస్తున్న మంచు మ‌నోజ్ త‌నకంటూ సొంత బ్యాన‌ర్‌ను పెట్టి ‘అహం బ్ర‌హ్మాస్మి’ సినిమాను చేస్తున్నాడు. ఎం.ఎంఆర్ట్స్ బ్యాన‌ర్‌పై మంచు మ‌నోజ్ నిర్మిస్తోన్న ఈ చిత్రానికి శ్రీకాంత్ రెడ్డి ద‌ర్శ‌కుడు. మ‌నిషిలోని అహం వ‌ల్ల వ‌చ్చే స‌మ‌స్య‌ల‌ను ఈ చిత్రం ద్వారా ఎలివేట్ చేస్తున్నార‌ని టాక్ వినిపిస్తోంది.