శర్వానంద్ తో సాయిపల్లవి
- IndiaGlitz, [Monday,July 24 2017]
ర‌న్‌రాజార‌న్‌, ఎక్స్‌ప్రెస్ రాజా, శ‌త‌మానం భ‌వ‌తి వంటి వ‌రుస విజ‌య‌వంత‌మైన చిత్రాల్లో న‌టించిన శర్వానంద్ హీరోగా బాహుబ‌లి వంటి విజువ‌ల్ వండ‌ర్‌తో తెలుగు సినిమాను ప్ర‌పంచ స్థాయికి తీసుకెళ్ళిన ఆర్కా మీడియా అధినేత‌లు, నిర్మాతలు ప్ర‌సాద్ దేవినేని, శోభు యార్ల‌గ‌డ్డ. ఇప్పుడు వీరిద్ద‌రూ క‌లిసి ఓ సోషియో ఫాంట‌సీ సినిమాను నిర్మించ‌నున్నారు. ఈ ఫాంట‌సీ చిత్రం 40 కోట్ల బ‌డ్జెట్‌తో రూపొంద‌నుంది.
సీనియ‌ర్ ద‌ర్శ‌కుడు కె.రాఘ‌వేంద్ర‌రావు త‌న‌యుడు, అన‌గ‌న‌గా ఒక ధీరుడు, సైజ్ జీరో చిత్రాల ద‌ర్శ‌కుడు ప్ర‌కాష్ కోవెల‌మూడి ద‌ర్శ‌క‌త్వంలో ఈ సినిమా రూపొంద‌నుంది. తాజా స‌మాచారం ప్ర‌కారం ఈ సినిమాలో సాయిపల్లవి హీరోయిన్‌గా న‌టించ‌నుంది. రీసెంట్‌గా 'ఫిదా' చిత్రంతో సాయిపల్లవి ప్రేక్ష‌కుల‌ను ఫిదా చేసేసుకుంది. దీంతో సాయిప‌ల్ల‌వికి అవ‌కాశాలు క్యూ క‌డుతున్నాయి. అందులో భాగంగా నిర్మాతలు సాయిప‌ల్ల‌విని హీరోయిన్‌గా తీసుకుంటున్నార‌ట. అల్రెడి నానితో ఎం.సి.ఎ, నాగ‌శౌర్య‌తో కారు అనే చిత్రంలో సాయిపల్లవి న‌టిస్తుంది.