నేటి త‌రం యువ క‌థానాయ‌కుల్లో నేచుర‌ల్ స్టార్ నాని ఏక‌ధాటిగా సినిమాలు చేస్తున్నాడు. ఇప్ప‌టికే త‌న 25వ చిత్రం ‘వి’ విడుద‌ల‌కు సిద్ధంగా ఉంది. ఉగాదికి విడుద‌ల కావాల్సిన ఈ సినిమా క‌రోనా ప్ర‌భావంతో ఆగింది. మ‌రో ప‌క్క శివ‌నిర్వాణ ద‌ర్శ‌క‌త్వంలో ట‌క్‌జ‌గ‌దీష్ సినిమాను పూర్తి చేయ‌డానికి నాని సిద్ధంగా ఉన్నాడు. ఇది పూర్తి కాగానే రాహుల్ సంక్రిత్యాన్ ద‌ర్శ‌క‌త్వంలో శ్యామ్ సింగ‌రాయ్ సినిమా చేయాల్సి ఉంది.

ఈ సినిమాలో నానిలో మూడు షేడ్స్‌లో క‌న‌ప‌డ‌బోతున్నాడు. అలాగే నాని స‌ర‌స‌న ముగ్గురు హీరోయిన్స్ న‌టించ‌బోతున్నారు. ఎవ‌రిని నాని ప‌క్క‌న న‌టింప చేయాలా చేయాలా అని యూనిట్ హీరోయిన్స్ అన్వేష‌ణ‌లో ఉంద‌ట‌. ఇప్ప‌టి వ‌ర‌కు ఆరుగురు హీరోయిన్స్‌తో యూనిట్ స‌భ్యులు సంప్ర‌దింపులు జ‌రిపార‌ట‌. ష్మిక మందన్నా, రాశీ ఖన్నా, సాయిపల్లవి, నివేథా ధామస్, నిధి అగర్వాల్, రీతూ వర్మలు ఈ లిస్టులో ఉన్నార‌ట‌. లేటెస్ట్ స‌మాచారం మేర‌కు ఇందులో ఓ హీరోయిన్‌గా సాయిప‌ల్ల‌వి న‌టించ‌నుంద‌ని అంటున్నారు. ఇది వ‌ర‌కు ఎంసీఏ చిత్రంలో వీరిద్ద‌రూ జంట‌గా క‌న‌ప‌డి మెప్పించారు. మ‌రోసారి వెండితెర‌పై జంట‌గా ఫిదా చేస్తారో లేదో తెలియాలంటే వేచి చూడ‌క త‌ప్ప‌దు.