ఫిదాలో తెలంగాణ పోరి భానుమ‌తిగా అల‌రించింది కేర‌ళ‌కుట్టి సాయిప‌ల్ల‌వి. ఆ సినిమాకి ముందు ప్రేమ‌మ్‌, క‌లి చిత్రాల‌తో మ‌ల‌యాళ ప్రేక్ష‌కుల మ‌న‌సుని దోచుకున్న ఈ ముద్దుగుమ్మ‌కి.. త‌మిళంలో ఓ బంప‌ర్ ఆఫ‌ర్ వ‌చ్చింది. అక్క‌డ క్రేజ్ ఉన్న హీరోల‌లో ఒక‌రైన ధ‌నుష్‌తో క‌లిసి న‌టించే అవ‌కాశం సాయిప‌ల్ల‌వికి ద‌క్కింది.

తెలుగులో మాస్ పేరుతో అనువాద‌మైన మారి (ఇందులో కాజ‌ల్ హీరోయిన్‌) చిత్రానికి సీక్వెల్‌గా రానున్న మారి2 చిత్రంలో సాయిప‌ల్ల‌వి హీరోయిన్‌గా న‌టించ‌బోతోంది. ల‌వ్ ఫెయిల్యూర్‌, మారి చిత్రాల ద‌ర్శ‌కుడు బాలాజీ మోహ‌న్ ఈ చిత్రానికి ద‌ర్శ‌కత్వం వ‌హించ‌నున్నారు. వ‌చ్చే నెల‌లో ఈ సినిమా సెట్స్ పైకి వెళ్ల‌నుంది.

ప్ర‌స్తుతం సాయిప‌ల్ల‌వి.. ఎం.సి.ఎ చిత్రంలో నానికి జోడీగా న‌టిస్తోంది. అలాగే తెలుగు, త‌మిళ భాష‌ల్లో రూపొందిన క‌ణంతో అతి త్వ‌ర‌లోనే ప్రేక్ష‌కుల ముందుకు రానుంది.