డాక్ట‌ర్ చ‌దివి యాక్ట‌ర్‌గా మారిన వారిలో సాయిప‌ల్ల‌వి ఒక‌టి. వైవిధ్య‌మైన పాత్ర‌లు చేస్తూ హీరోయిన్‌గా త‌న‌కంటూ ఓ ప్ర‌త్యేక‌మైన గుర్తింపును సంపాదించుకుంది సాయిప‌ల్ల‌వి. తెలుగు, త‌మిళ చిత్రాల్లో బిజి బిజీగా సినిమాలు చేస్తుందీ అమ్మ‌డు. అయితే నేను మాత్రం త‌క్కువేంటి? అని అంటోంది సాయిప‌ల్ల‌వి సోద‌రి పూజ‌. ఈమె కూడా త్వ‌ర‌లోనే సినీ రంగ ప్ర‌వేశం చేస్తుంది. వివ‌రాల్లోకి వెళితే ద‌ర్శ‌కుడు , నిర్మాత ఎ.ఎల్‌.విజ‌య్ బ్యాన‌ర్‌లో ప్ర‌ముఖ ఫైట్ మాస్ట‌ర్ స్టంట్ సిల్వ ద‌ర్శ‌క‌త్వంలో ఓ సినిమా తెర‌కెక్క‌నుంది. ఈ చిత్రానికి కథ, స్క్రీన్ ప్లేను ఎ.ఎల్.విజయ్ అందిస్తున్నాడు.

స్టంట్ సిల్వ డైరెక్ష‌న‌ల్ డెబ్యూ ఇది. ఇందులో పూజ న‌టిస్తుంది. ఇది వ‌ర‌కు ‘కారా’ అనే వెబ్ ఫిల్మ్‌లో న‌టించినంది పూజ‌. త్వ‌ర‌లోనే సెట్స్‌పైకి వెళ్ల‌బోతున్న ఈ సినిమాలో స‌ముద్ర‌ఖ‌నితో పాటు ద‌ర్శ‌కుడు స్టంట్‌సిల్వ కూడా న‌టిస్తుండ‌టం విశేషం. తమిళంతో పాటు తెలుగులోనూ ఈ సినిమాను విుడదల చేస్తారట. మరి అక్క సాయిపల్లవి లాగానే పూజా కూడా ప్రేక్షకుల హృదయాల్లో స్థానం దక్కించుకుంటుంలో లేదో తెలియాలంటే కొన్నాళ్లు ఆగక తప్పదు.