`నీదీ నాదీ ఒకే క‌థ `చిత్రంతో ద‌ర్శ‌కుడిగా ప‌రిచ‌య‌మ‌మైన వేణు ఊడుగుల‌.. తొలి చిత్రంతోనే ప్ర‌తిభ ఉన్న ద‌ర్శ‌కుడిగా పేరు తెచ్చుకున్నారు. ప్ర‌స్తుతం రెండో సినిమాకి సంబంధించిన‌ స్క్రిప్ట్ వ‌ర్క్‌తో బిజీగా ఉన్నారు. ఈ సినిమాలో ఫిదా బ్యూటీ సాయి ప‌ల్ల‌వి క‌థానాయిక‌గా న‌టించ‌నుంద‌ని గ‌త కొంత‌కాలంగా వార్త‌లు వినిపిస్తున్న సంగ‌తి తెలిసిందే. ఈ సినిమాకి సంబంధించి ఆస‌క్తిక‌ర‌మైన విష‌యం తెలిసింది.

అదేమిటంటే.. ఈ సినిమాని 90వ ద‌శ‌కంలో జ‌రిగే ప్రేమ‌క‌థా చిత్రంగా తెర‌కెక్కించ‌నున్నార‌ట‌. అలాగే హీరోహీరోయిన్ల పాత్ర‌లు సంప్ర‌దాయ బ‌ద్దంగా ఉండే మ‌ధ్య త‌ర‌గ‌తి కుటుంబానికి చెందిన యంగ్‌స్ట‌ర్స్‌గా క‌నిపిస్తాయ‌ట‌. ముఖ్యంగా సాయిప‌ల్ల‌వి పాత్ర చాలా బాగా వ‌చ్చింద‌ని.. మ‌రో సారి న‌టిగా త‌న సత్తా చాటే పాత్ర ఇద‌ని స‌మాచారం. ప్ర‌స్తుతం సాయి ప‌ల్ల‌వి.. శ‌ర్వానంద్‌తో క‌లిసి ప‌డి ప‌డి లేచె మ‌న‌సు చేస్తోంది.