తెలుగులో సాయిప‌ల్ల‌వి మ‌ల‌యాళ చిత్రం
- IndiaGlitz, [Friday,March 22 2019]
సాయిప‌ల్ల‌వి హీరోయిన్‌గా త‌న‌దైన న‌ట‌న‌తో తెలుగు, త‌మిళ ప్రేక్ష‌కుల‌ను మెప్పిస్తుంది. వ‌రుస విజ‌యాల‌తో సాయిప‌ల్ల‌వి మోస్ట్ వాంటెడ్ హీరోయిన్స్‌లో ఒక‌రిగా రాణిస్తున్నారు. ఈ క్రేజ్‌ను ఇప్పుడు మ‌ల‌యాళ నిర్మాత‌లు క్యాష్ చేసుకోవాల‌నుకుంటున్నారు.
మ‌ల‌యాళంలో సెంచురీ ఫిలిం బ్యాన‌ర్‌పై ఫాహిద్ ఫాజిల్, సాయిప‌ల్ల‌వి జంట‌గా ఓ మిస్ట‌రీ థ్రిల్ల‌ర్‌ను రూపొందిస్తున్నారు. సాయిప‌ల్ల‌వికి తెలుగు, త‌మిళంలో ఉన్న ఆద‌ర‌ణ దృష్ట్యా నిర్మాత‌లు మ‌ల‌యాళంతో పాటు తెలుగు, త‌మిళంలో ఒకేసారి సినిమాను విడుద‌ల చేయాల‌నుకుంట‌న్నార‌ట. త్వ‌ర‌లోనే విడుద‌ల తేదిని అధికారికంగా ప్ర‌క‌టించ‌నున్నారు. ఈ చిత్రానికి వివేక్ ద‌ర్శ‌కుడు.