காஷ்மீரில் செம்ம ஜாலி மூடில் சாய் பல்லவி.. வைரல் புகைப்படங்கள்..!
- IndiaGlitz, [Saturday,July 08 2023]
நடிகை சாய் பல்லவி காஷ்மீரில் செம்ம ஜாலி மூடில் இருக்கும் புகைப்படங்களை தனது இன்ஸ்டாகிராமில் பதிவு செய்துள்ள நிலையில் அந்த புகைப்படங்களுக்கு ஏழு லட்சத்திற்கும் அதிகமாக லைக்ஸ் குவிந்துள்ளது.
’பிரேமம்’ என்ற திரைப்படத்தின் மூலம் ரசிகர்கள் மத்தியில் பிரபலமான சாய் பல்லவி அதன் பிறகு தொடர்ச்சியாக தமிழ், தெலுங்கு, மலையாளம் என தென்னிந்திய மொழிகளில் நடித்து வருகிறார்.
தமிழில் அவர் ’தியா’ என்ற திரைப்படத்தில் அறிமுகம் ஆகி ’மாரி 2’, ‘என்ஜிகே’ ‘கார்கி’ உள்ளிட்ட படங்களில் நடித்தார். தற்போது அவர் சிவகார்த்திகேயன் 21வது திரைப்படத்தில் நடித்து வருகிறார் என்பதும் இந்த படத்தை ராஜ்குமார் பெரியசாமி இயக்கி வருகிறார் என்பது குறிப்பிடத்தக்கது. கமல்ஹாசனின் ராஜ்கமல் பிலிம் சென்டர் நேஷனல் நிறுவனம் தயாரிப்பில் உருவாகி வரும் இந்த படத்தின் படப்பிடிப்பு தற்போது காஷ்மீரில் நடந்து வருகிறது.
இந்த நிலையில் படப்பிடிப்பு இல்லாத நேரத்தில் அவர் காஷ்மீரில் உள்ள அழகிய காட்சிகளை புகைப்படம் எடுத்து தன்னுடைய இன்ஸ்டாகிராமில் பதிவு செய்துள்ளார். இந்த புகைப்படங்கள் தான் தற்போது இணையத்தில் வைரல் ஆகி வருகிறது.