ఫోర్బ్స్ ఇండియా 30లో సాయిపల్లవి..
- IndiaGlitz, [Thursday,February 06 2020]
30 ఏళ్ల లోపు ఉన్న ఇండియన్ యూత్‌లో అత్యధిక సంపాదన కలిగిన 30 మంది జాబితాను ఇటీవలే ఫోర్బ్స్ విడుదల చేయడం జరిగింది. ఈ జాబితాలో సాంకేతిక పరిజ్ఞానం, ఆరోగ్య సంరక్షణ, ఫైనాన్స్, సైన్స్, మీడియా, డిజైన్, ఫ్యాషన్, స్పోర్ట్స్, ఎంటర్టైన్మెంట్ వంటి వివిధ రంగాల్లో రాణించిన వారు ఉన్నారు. అయితే ఈ జాబితాలో యూ ట్యూబర్స్‌కు కూడా చోటు దక్కింది. అయితే.. ఇదే జాబితాలో ‘ప్రేమమ్’ సినిమాతో యూత్‌ను ఆకర్షించి.. అందర్నీ ‘ఫిదా’ చేసిన సాయిపల్లవి కూడా చోటు దక్కించుకుంది.
టాలీవుడ్ మాత్రమే కాకుండా కోలీవుడ్, మల్లూవుడ్‌లోనూ ఈ ముద్దుగుమ్మ నటించి మెప్పించి అనతికాలంలోనే మంచి గుర్తింపు తెచ్చుకుంది. అలా ప్రస్తుతం స్టార్ హీరోయిన్‌గా మారిపోయింది. సినిమాలు సెలెక్టెడ్‌గా చేసి తక్కువ సినిమాలు చేసినా కూడా ఎక్కువ పారితోషికం మాత్రం గట్టిగానే పుచ్చుకుంటోందట. ఏడాదిలో ఈ అమ్మడి ఆదాయం దాదాపుగా 30 కోట్ల వరకు ఉంటుందని తెలుస్తోంది. అందుకే సాయిపల్లవి పోర్బ్స్ జాబితాలో చేరింది. కాగా.. ప్రస్తుతం ఈ ముద్దుగుమ్మ రానా, నాగచైతన్యతో నటిస్తోంది.