హల్‌ చల్ చేస్తున్న సాయిపల్లవి
- IndiaGlitz, [Monday,April 01 2019]
సాయి పల్లవి సోషల్ మీడియాలో హల్‌చల్ చేస్తోంది. సంప్రదాయ దుస్తుల్లో ఆమె పోస్ట్ చేసిన ఫోటోలను అందరూ ఇష్టపడతున్నారు. 'ఈ ఏడాది విషు (ఉగాది) త్వరగా వచ్చేసింది' అని ట్వీట్ చేశారు. కేరళ సంప్రదాయం ప్రకారం ధరించే బంగారు వర్ణం జరీ ఉన్న తెలుపు రంగు చీరలో ఆమె మెరిశారు. మూడు గంటల్లోనే 15 వేల మందికిపైగా ఫొటోల్ని లైక్ చేశారు.
ఈ ఫొటోలు ప్రస్తుతం సోషల్ మీడియాలో అభిమానుల్ని ఆకట్టుకుంటున్నాయి. ఫొటో షూట్‌లో భాగంగా ఆమె ఇలా రెడీ అయినట్లు తెలుస్తోంది. సాయిపల్లవి గత ఏడాది 'పడి పడి లేచె మనసు'తో ప్రేక్షకుల ముందుకు వచ్చారు. శర్వానంద్ కథానాయకుడిగా నటించిన ఈ సినిమా మంచి టాక్ అందుకుంది.
ప్రస్తుతం ఆమె 'ఎన్జీకే' చిత్రంలో నటిస్తున్నారు. సూర్య కథానాయకుడు. రకుల్ ప్రీత్ సింగ్ మరో కథానాయిక. సెల్వరాఘవన్ దర్శకుడు. మరోపక్క మలయాళంలో ‘అథిరన్’ అనే చిత్రంలోనూ సాయిపల్లవి కథానాయిక పాత్ర పోషిస్తున్నారు.