స‌మంత అక్కినేని, రానాద‌గ్గుబాటికి హీరోయిన్ సాయిప‌ల్ల‌వి ఛాలెంజ్ చేశారు. ఇంత‌కు సాయిప‌ల్ల‌వి ఏ విష‌యంలో వీరిద్ద‌రికీ ఛాలెంజ్ చేశారో తెలుసా? గ‌్రీన్ ఇండియా ఛాలెంజ్ కార్య‌క్ర‌మంలో భాగంగా తెలంగాణ పార్ల‌మెంట్ స‌భ్యుడు సంతోష్ ఇందులో సినీ సెల‌బ్రిటీలను భాగం చేశారు. ఇటీవ‌ల ఈ కార్య‌క్ర‌మంలో పాల్గొన్న సంతోష్ అఖిల్‌, వ‌రుణ్ తేజ్‌, క‌విత‌ల‌కు ఛాలెంజ్ విసిరారు. ఈ ఛాలెంజ్‌ను స్వీక‌రించిన అఖిల్ ముందుగానే మొక్కలు నాటేశారు. తాజాగా వ‌రుణ్ తేజ్ మొక్క నాటి.. సాయిప‌ల్ల‌వి, త‌మ‌న్నాల‌కు ఛాలెంజ్ విసిరారు.

వ‌రుణ్ ఛాలెంజ్‌ను స్వీక‌రించిన సాయిప‌ల్ల‌వి ముందుగా త‌న ఇంటి ప్రాంగ‌ణంలో మొక్క నాటింది. ఈ మొక్క‌ను నాటిన త‌ర్వాత సాయిప‌ల్ల‌వి స‌మంత‌, రానా ద‌గ్గుబాటిల‌ను ఈ ఛాలెంజ్‌ను ముందుకు తీసుకెళ్లాల‌ని కోరింది. త‌న‌కు ఛాలెంజ్ విసిరిన వ‌రుణ్ తేజ్‌కి థ్యాంక్స్ చెప్పిన సాయిప‌ల్ల‌వి, గాలిలో నాణ్య‌త కొర‌వ‌డింద‌ని, మొక్క‌ల‌ను నాటి ప్ర‌తి ఒక్క‌రూ దాన్ని సంర‌క్షించాల‌ని కోరింది. మ‌నం అంద‌రం ప్ర‌కృతి నుండి ఎక్కువ‌గా తీసుకుంటున్నామ‌ని, త‌క్కువ‌గానే తిరిగి ఇస్తున్నామ‌ని కూడా ఈ సంద‌ర్భంగా తెలియ‌జేసింది.