సాయిపల్లవి కల నెరవేరినట్టే
- IndiaGlitz, [Thursday,December 21 2017]
కలలు అంద‌రూ కంటారు. అయితే.. కొన్ని కలలు మాత్ర‌మే సాకారం అవుతాయి. ఫిదా గ‌ర్ల్ సాయిపల్లవికి కూడా ఓ కల ఉంది. అది ఇప్పుడు నెర‌వేరింది. కాస్త వివ‌రాల్లోకి వెళితే.. త‌మిళ క‌థానాయ‌కుడు సూర్య అంటే సాయిపల్లవికి చాలా అంటే ఇష్టం. ఆ మధ్య ఓ ఇంట‌ర్వ్యూలో.. కాక్క కాక్క (వెంక‌టేష్ ఘ‌ర్ష‌ణ‌కి ఒరిజ‌న‌ల్ వెర్ష‌న్‌) సినిమా చూసిన‌ప్ప‌టి నుంచి సూర్య‌కి అభిమానిగా మారిపోయాయ‌ని.. ఆయ‌న‌తో న‌టించే అవ‌కాశం కోసం ఎదురుచూస్తున్నాన‌ని సాయిపల్లవి చెప్పుకొచ్చింది.
క‌ట్ చేస్తే.. ఇప్పుడు సాయి పల్లవి కల నెర‌వేరిన‌ట్ల‌య్యింది. సెల్వ‌రాఘ‌వ‌న్ దర్శకత్వంలో సూర్య క‌థానాయ‌కుడిగా రూపొందుతున్న చిత్రంలో క‌థానాయిక‌గా సాయి పల్లవి ఎంపికైంది. డ్రీమ్ వారియర్ పిక్చర్స్ సంస్థ నిర్మిస్తున్న ఈ చిత్రం వ‌చ్చే ఏడాది ఆరంభంలో సెట్స్ పైకి వెళ్ల‌నుంది. 2018 దీపావ‌ళి కానుక‌గా ఈ సినిమా ప్రేక్ష‌కుల ముందుకు రానుంది. త‌మిళంతో పాటు తెలుగులోనూ ఈ సినిమా రిలీజ్ కానుంది.
తొలుత ఈ చిత్రం కోసం ర‌కుల్ ప్రీత్ సింగ్ పేరు వినిపించింది. అయితే ఏమైందో ఏమో గానీ.. ఇప్పుడా స్థానంలోకి సాయిపల్లవి వ‌చ్చి చేరింది.