మెలోడీ మ్యూజిక్ డైరెక్ట‌ర్‌తో సాయిధ‌ర‌మ్‌?
- IndiaGlitz, [Thursday,October 26 2017]
తొలి ప్రేమ వంటి బ్లాక్‌బ‌స్ట‌ర్ మూవీతో ద‌ర్శ‌కుడిగా తొలి అడుగులు వేసిన ఎ.కరుణాకరన్.. ఆ త‌రువాత వాసు, బాలు, హ్యాపీ, ఉల్లాసంగా ఉత్సాహంగా, డార్లింగ్ చిత్రాల‌తో తెలుగు ప్రేక్షకులకు మ‌రింత చేరువ‌య్యారు. 2014లో వ‌చ్చిన చిన్న‌దానా నీ కోసం త‌రువాత మ‌రో సినిమా చేయ‌ని ఈ ల‌వ్ చిత్రాల స్పెష‌లిస్ట్.. చాన్నాళ్ల త‌రువాత మెగా వారి క‌థానాయ‌కుడు సాయిధ‌ర‌మ్‌తేజ్‌తో ఓ సినిమా చేసేందుకు సిద్ధ‌మ‌య్యారు. ఇటీవ‌లే ప్రారంభ‌మైన ఈ సినిమా.. అతి త్వ‌ర‌లో రెగ్యుల‌ర్ షూటింగ్ జ‌రుపుకోనుంది.
అనుప‌మ ప‌ర‌మేశ్వ‌ర‌న్ హీరోయిన్‌గా న‌టించ‌నున్న ఈ చిత్రాన్ని ప్ర‌ముఖ నిర్మాత కె.ఎస్‌.రామారావు నిర్మించ‌నున్నారు. కాగా, ఈ చిత్రానికి సంగీత ద‌ర్శ‌కుడిగా గోపీసుందర్ ఫిక్స్ అయ్యార‌ని వార్త‌లు వినిపిస్తున్నాయి. మ‌ళ్లీ మ‌ళ్లీ ఇది రాని రోజు, భ‌లే భ‌లే మ‌గాడివోయ్‌, ఊపిరి, ప్రేమమ్‌, నిన్ను కోరి చిత్రాల‌తో మెలోడీ పాట‌ల‌కు చిరునామాగా నిలిచారు గోపీసుందర్. ఎ.కరుణాకరన్ సినిమాలు మ్యూజిక‌ల్‌గా బాగుంటాయి. కాబ‌ట్టి.. ఈ చిత్రంతోనూ గోపీ మ‌రో హిట్ ఆల్బ‌మ్‌ని అందించే అవ‌కాశం లేక‌పోలేదు.