సాయిధరమ్ తేజ్ చిత్రం టైటిల్, రిలీజ్ డేట్‌
- IndiaGlitz, [Thursday,October 26 2017]
ఫ‌లితాల‌తో సంబంధం లేకుండా.. వ‌రుసగా చిత్రాలు చేస్తూ బిజీగా ఉన్నాడు మెగా వారి క‌థానాయ‌కుడు సాయిధరమ్ తేజ్. ఆయ‌న హీరోగా న‌టించిన తాజా చిత్రం జవాన్ డిసెంబ‌ర్ 1న విడుద‌ల‌కి సిద్ధ‌మైంది. మ‌రోవైపు సీనియ‌ర్ ద‌ర్శ‌కులు ఎ.క‌రుణాక‌ర‌న్‌, వి.వి.వినాయ‌క్ తో సినిమాలు చేస్తున్నాడు సాయి. వీటిలో వి.వి.వినాయ‌క్ చిత్రం ముందుగా తెర‌పైకి రానుంది. తాజాగా వినిపిస్తున్న క‌థ‌నాల ప్ర‌కారం.. ఈ చిత్రానికి ఇంటెలిజెంట్ అనే టైటిల్ ఫిక్స్ అయ్యింద‌ని తెలిసింది.
అలాగే సంక్రాంతి స‌మ‌యానికి అటు ఇటుగా చిత్రీక‌ర‌ణ పూర్తిచేసుకోనున్న ఈ చిత్రం ఫిబ్ర‌వ‌రి 9న విడుద‌ల కానుంద‌ని ఇన్‌సైడ్ సోర్స్ చెప్పుకొస్తోంది. లావ‌ణ్య త్రిపాఠి హీరోయిన్‌గా న‌టిస్తున్న ఈ సినిమాకి థ‌మ‌న్ సంగీత‌మందిస్తున్నాడు. ఖైదీ నెం.150 వంటి విజ‌య‌వంత‌మైన చిత్రం త‌రువాత వి.వి.వినాయ‌క్ డైరెక్ష‌న్‌లో రూపొందుతున్న చిత్రం కావ‌డంతో ఈ సినిమాపై మంచి అంచ‌నాలే ఉన్నాయి. ఇందులో సాయిధరమ్ డ్యూయెల్ రోల్ చేస్తున్నాడ‌ని ఆ మ‌ధ్య వార్త‌లు వినిపించినా.. అందులో నిజం లేద‌ని సాయి ఇటీవ‌లే చెప్పుకొచ్చాడు.