సుప్రీమ్ హీరో సాయిధ‌ర‌మ్ తేజ్ `వాసుకి` సినిమాలోని సాంగ్‌ను విడుద‌ల చేశారు. శ్రీరామ్‌ సినిమాస్‌ బ్యానర్‌పై నిర్మాత ఎస్‌.ఆర్‌.మోహన్‌ తెలుగు ప్రేక్షకులకు అందిస్తున్న సినిమా 'వాసుకి'. నయనతార టైటిల్‌ పాత్రలో నటించింది. మలయాళంలో మంచి విజయాన్ని సాధించిన 'పుదియనియమం' సినిమాకు తెలుగు అనువాదమే 'వాసుకి`.

ఈ సినిమా జూలై 28న విడుద‌ల‌వుతుంది. పాట విడుద‌ల అనంతరం సుప్రీమ్ హీరో సాయిధ‌ర‌మ్ తేజ్ మ‌లయాళంలో విజ‌య‌వంత‌మైన `పుదియ నియ‌మం` సినిమాను తెలుగులో విడుద‌ల చేస్తున్న నిర్మాత ఎస్‌.ఆర్‌.శ్రీరామ్ అండ్ టీంకు అభినంద‌న‌లు తెలిపారు. నిర్మాత ఎస్‌.ఆర్‌.శ్రీరామ్‌ మాట్లాడుతూ..'నేను లాయర్‌ని. ఈరోజు నేను సినిమా విడుదల చేసే స్థాయికి వచ్చానంటే కారణం కూడా సినిమానే. సినిమాలంటే ఉన్న ఆసక్తితో డబ్బులు కూడబెడుతూ వచ్చి పుదియ నియ‌మం సినిమా హక్కులను కొని తెలుగులో `వాసుకి` పేరుతో జూలై 28న విడుదల చేస్తున్నాను. స‌మాజంలో ప్ర‌స్తుతం మ‌హిళ‌లు ఎదుర్కొంటున్న స‌మ‌స్య‌ను సందేశాత్మ‌కంగా తెర‌కెక్కించిన సినిమా ఇది. న‌య‌న‌తార‌గారి న‌ట‌న హైలైట్‌గా ఉంటుంది. సాంగ్‌ను విడుద‌ల చేసి మాటీంకు స‌హ‌కారం అందించిన సాయిధ‌ర‌మ్ తేజ్‌గారికి థాంక్స్‌. మా ప్ర‌య‌త్నాన్ని ప్రేక్షకుల ఆశీర్వదిస్తారనుకుంటున్నాను`` అన్నారు.